თანაბარი სულგრძელობა

პარიზის ქუჩებში მოსეირნე პადერევსკი გააჩერა დათხუპნულმა, ჩამოძენძილმა ბიჭუნამ.

– გაგიწმინდოთ ფეხსაცმელები?

– გმადლობთ, – უპასუხა პადერევსკიმ, – არ არის საჭირო. მაგრამ შენ თუ ხელ-პირს დაიბან, მაშინ მიიღებ ჩემგან ოც ფრანკს.

ბიჭუნამ სწრაფად მიირბინა წყალთან და რამდენიმე წუთის შემდეგ დაბრუნდა უკან, შედარებით გასუფთავებული.

– აი, შენი ოცი ფრანკი, – უთხრა პადერევსკიმ და ფული გაუწოდა.

ბიჭუნამ შეხედა პიანისტს, ამოიოხრა და უკან დაუბრუნა ფული.

– არა, უკეთესია დალაქისათვის შემოინახეთ, რომელიც თქვენ გრძელ თმებს შეგჭრით.