“თქვენ არ ხართ მარტო” – დიდი ბრიტანეთის პრემიერ-მინისტრი ბორის ჯონსონი, ღია წერილს აქვეყნებს და უკრაინელ ბავშვებს მიმართავს.
პრემიერ-მინისტრის წერილი მოჰყვა მაღალი რანგის ბრიტანელი დიპლომატის გაფრთხილებას რუსული ჯარის მიერ ბავშვების მიმართ სექსუალური ძალადობის სანდო ბრალდებების შესახებ.
ჯონსონი წერს, რომ უკრაინელმა ბავშვებმა უნდა იამაყონ მათი მშობლებით, ოჯახებით, ჯარისკაცებით და ყველაზე მეტად საკუთარი თავით. მისი თქმით, ისინი მარტო არ არიან და დიდი ბრიტანეთი მათ არასდროს დაივიწყებს.
“ბევრმა თქვენგანამ ნახა ან განიცადა ის, რისი მოწმეც არცერთი ბავშვი არ უნდა იყოს. მიუხედავად ამისა, ყოველდღე უკრაინელი ბავშვები ყველას გვასწავლიან, თუ რას ნიშნავს იყო ძლიერი და ღირსეული, თავი მაღლა აწიო ყველაზე რთულ დროსაც კი, არ ვიცი რა შეიძლება იყოს უკეთესი მისაბაძი მაგალითი ბავშვებისთვის და ზრდასრულებისთვის”, – წერს ჯონსონი.
UNICEF-ის მონაცემებით, ორი მილიონი ბავშვი იძულებული გახდა დაეტოვებინა უკრაინა, მათგან ნახევარზე მეტი პოლონეთში ჩავიდა.
,,უკრაინა ამ ომში მოიგებს და მეორე ის არის, რომ მარტო არ ხართ. შეიძლება სახლში მეგობრებს დაშორდეთ, მაგრამ მილიონობით სხვა გყავთ მთელ მსოფლიოში. აქ, გაერთიანებულ სამეფოში, ჩვენ ვფენთ უკრაინის დროშებს ჩვენი სახლებიდან, ოფისებიდან, ეკლესიებიდან, მაღაზიებიდან და სათამაშო მოედნებიდან, თუნდაც ჩემი სახურავიდან დაუნინგ სტრიტზე, , სადაც ფანჯრები ივსება ბრიტანელი ბავშვების მიერ დახატული მზესუმზირით. ჩვენი ახალგაზრდები კლასებში ხატავენ თქვენს დროშას და აკეთებენ ლურჯ და ყვითელ სამაჯურებს თქვენი ქვეყნის მხარდასაჭერად.
მე მჯერა, თქვენი პრეზიდენტის, რომ უკრაინა მოიგებს ამ ომს. მთელი გულით ვიმედოვნებ, რომ ერთ დღეს მალე თავისუფლად დაბრუნდებით თქვენს სახლებში, სკოლებში, ოჯახებში.
და რაც არ უნდა მოხდეს, რაც არ უნდა დიდი დრო დასჭირდეს, ჩვენ დიდ ბრიტანეთში არასოდეს დაგივიწყებთ და ყოველთვის ვიამაყებთ, რომ დაგიძახოთ ჩვენი მეგობრები”, – წერს ჯონსონი უკრაინელ ბავშვებს.
