“თუ ჩვენ გვინდა მშვიდობა, ომისთვის უნდა მოვემზადოთ”_ განაცხადა ევროსაბჭოს პრეზიდენტმა ჩარლზ მიშელმა.
მიშელის განცხადებით, თუ ევროკავშირი საკმარისად ვერ დაუჭერს მხარს უკრაინას, ამ შემთხვევაში რუსეთის თავდასხმის მორიგი სამიზმე გახდება.
„თუ ჩვენ არ მივცემთ უკრაინას საკმარის მხარდაჭერას რუსეთის შესაჩერებლად, ჩვენ ვიქნებით შემდეგი. თუ ჩვენ გვინდა მშვიდობა, უნდა მოვემზადოთ ომისთვის”,_ განაცხადა მიშელმა.
მისი თქმით, იმ დღეს, როდესაც პუტინმა დაიწყო მისი სრულმასშტაბიანი შეჭრა უკრაინაში, მეორე მსოფლიო ომის შემდგომი უსაფრთხოების მთელი მოწყობა სამუდამოდ შეიცვალა და, როგორც ასეთი, „ევროკავშირიც სწრაფად უნდა შეიცვალოს მასთან ერთად“.
„ახლა ნათელია, რომ რუსეთი არ გაჩერდება უკრაინაში, ისევე როგორც ყირიმში არ გაჩერდა ათი წლის წინ“, – თქვა მან და აღნიშნა, რომ მოსკოვი „დესტაბილიზაციას“ ახდენს სხვა ტერიტორიებზე, როგორიცაა მოლდოვა, საქართველო, სამხრეთ კავკასია, დასავლეთ ბალკანეთი და აფრიკა.
ინფორმაციისთვის, ჰოლანდიელმა ადმირალმა რობ ბაუერმა, ნატოს სამხედრო კომიტეტის თავმჯდომარემ, იანვარში განაცხადა, რომ წევრები უნდა მოემზადონ მოსკოვთან ომისთვის მომდევნო 20 წლის განმავლობაში.
აშშ-ის პრეზიდენტმა ჯო ბაიდენმა დეკემბერში თქვა, რომ პუტინი უკრაინის შემდეგ ნატოს თავს დაესხმება. სამხედრო მეთაურებმა, ასევე ნატოს რამდენიმე წევრის თავდაცვის მინისტრებმა, მათ შორის გაერთიანებული სამეფოს, დანიისა და პოლონეთის, ასევე საუბრობენ რუსეთსა და ალიანსს შორის ომის ალბათობის შესახებ.
