ამერიკის შეერთებული შტატების პრეზიდენტმა, დონალდ ტრამპმა, FBI-ს დირექტორის თანამდებობაზე ქრისტოფერ აშერ ურეი სოციალურ ქსელ ტვიტერის მეშვეობით დაასახელა. აღნიშნულ ინფორმაციას CNBC ავრცელებს.
როგორც ცნობილია, ქრისტოფერ ურეი სისხლის სამართლის სამმართველოს გენერალური პროკურორის თანაშემწედ ჯორჯ ბუშმა დანიშნა და აღნიშნული თანამდებობა 2005 წლამდე ეკავა.
მაუწყებლის ინფორმაციით, იელის სამართლის სკოლის კურსდამთავრებული იუსტიციის დეპარტამენტში ყოფნის დროს ENRON TASK FORCE-ს ხელმძღვანელობდა,
როგორც სისხლის სამართლის სამმართველოს უფროსი, ურეი ხელმძღვანელობდა ფასიანი ქაღალდების თაღლითობის, ფულის გათეთრების, კორუფციის და რამდენიმე სხვა სახის გამოძიებას. გარდა ამისა, ურეი იურიდიულ კომპანია KING&SPALDING-თან თანამშრომლობს.
იუსტიციის დეპარტამენტის ინფორმაციით, ურეი დაკისრებულ მოვალეობას პირნათლად ასრულებს და სპეციალისტი გამომძიებელია.
მაუწყებლის ინფორმაციით, მან ბრიდჯიგეითის სკანდალის შემდეგ, რომელშიც 2013 წელს გუბერნატორის მოკავშირეები პოლიტიკური შურისძიების მოტივით დამნაშავედ სცნეს, ნიუ ჯერსის მმართველად კრის კრისტი წარადგინა.
როგორც ცნობილია, ტრამპმა FBI-ის ყოფილი დირექტორი თანამდებობიდან გაათავისუფლა, რადგან ის ტრამპის საპრეზიდენტო კამპანიის რუსეთთან შესაძლო კავშირის შესახებ გამოძიებას აწარმოებდა.
გავრცელებული ცნობით, ტრამპმა ქომის გათავისუფლების შესახებ ბრძანება 1 დღით ადრე გასცა, ვიდრე ქომი სენატის სადაზვერვო კომიტეტის წინაშე წარსდგებოდა.
მაუწყებლის ინფორმაციით, ტრამპმა ქრისტიან ურეის FBI-ის დირექტორად დანიშვნის შესახებ სოციალურ ქსელში განაცხადი რამდენიმე საათით ადრე გააკეთა, ვიდრე FBI-ის დირექტორობის მოვალეობის შემსრულებელი, ენდრიუ მაქკაბი და ამერიკის შეერთებული შტატების სადაზვერვო სამსახურის წარმომადგენლები სენატის სადაზვერვო კომიტეტის წინაშე წარსდგებოდნენ.
