წალენჯიხაში სტიქიას ებრძვიან

წალენჯიხის მუნიციპალიტეტში უამინდობამ პრობლემები შექმნა.

გრიგალმა დააზიანა საცხოვრებელი სახლები. ასევე, მოგლიჯა ხეები და გზებზე მოძრაობა შეიზღუდა.

მოგლეჯილმა ხემ დააზიანა ავტომობილი, მძღოლს საფრთხე არ ემუქრება.  გარდა ამისა, დაზიანდა ელექტრო გადამცემი ხაზები.

ამ დროისთვის, ელექტროენერგია მოსახლეობის უმეტეს ნაწილს არ მიეწოდება. უცნობია, რა ზარალი მიადგა მუნიციპალიტეტს.