ჩოხატაურის საფეხბურთო კლუბი “ბახმარო” წარმატებების სერიას აგრძელებს.
ჩოხატაურელთა გუნდმა, დღეს, ბაღდათის “საირმე” 2:0 საკუთარ მოედანზე, ცინცაძის და კვერენჩხილაძის შესანიშნავი გოლებით, დაამარცხა.
ეს გუნდის მიერ ჩატარებული მეექსვე თამაშია და მეექსვე მოგება.
შესაბამისად, „ბახმარო“ სატურნირო ცხრილს დამაჯერებლად ლიდერობს. თანაც ისე, რომ ჯერ გოლი არ გაუშვია და რეკორდსმენობას არ თმობს.
რეგიონლიგაში მოასპარეზე გუნდი, რომელსაც თემურ ლორია წვრთნის, ამ მონაცემებით დასახულ მიზანს _ პირველ ლიგას უახლოვდება.
