ოკუპირებული ცხინვალის ე.წ. საგარეო საქმეთა სამინისტრო საქართველოს პარლამენტში შექმნილი საგამოძიებო კომისიის მუშაობას ეხმაურება.
“სამხრეთ ოსეთისთვის 2008 წლის აგვისტოს ტრაგედია, რომელსაც მოჰყვა ასობით მშვიდობიანი მოქალაქის, რუსი და ოსი სამშვიდობოების დაღუპვა და ათასობით მისი მოქალაქის ტანჯვა, იყო და რჩება მოუშუშებელ ჭრილობად.
ეჭვგარეშეა, რომ დამნაშავეები, რომლებიც დამნაშავეები არიან სამხედრო აგრესიის გაჩაღებაში, სამხრეთ ოსეთში შეჭრის, მშვიდობისმყოფელებზე თავდასხმისა და ოსი ხალხის წინააღმდეგ გენოციდის ბრძანების გაცემის, უნდა დაისაჯონ “, – აცხადებენ ე.წ. საგარეო საქმეთა სამინისტროში.
ამას გარდა, განცხადებაში აღნიშნულია, რომ “აშკარაა სამხრეთ ოსეთის ხალხის არჩევანი: დამოუკიდებელი სახელმწიფოს აშენება, მისი უსაფრთხოების გარანტი რუსეთთან და სხვა მეგობარ ქვეყნებთან ურთიერთობების ყოვლისმომცველი განმტკიცებისკენ სწრაფვაა.
2008 წლის აგვისტომ ნათლად აჩვენა ვინ არის ოსი ხალხის მეგობარი და ვინ არის მტერი, დასკვნა სამინისტრომ”.
