15 თებერვლის შეხვედრაზე Meta(Facebook)-ის მფლობელმა – მარკ ცუკერბერგმა წარმოადგინა რამდენიმე ახალი სლოგანი და შიდა ბრენდის ცვლილება კომპანიაში. ასევე ისაუბრა მეტავერსის შესახებ. აღნიშნულ ინფორმაციას The Guardian-ი ავრცელებს.
მეტავერსი – MetaVerse
ეს არის ვირტუალური სამყარო, რომელშიც ადამიანებს რეალურ ცხოვრებასთან მიმსგავსებული საქმეების კეთება შეეძლებათ. გარდა ამისა, მუშაობაც დისტანციურად გახდება შესაძლებელი. მეტავერსის იდეა დიდი ხანია რაც მსოფლიოში არსებობს, მაგრამ მარკ ცუკერბერგის კომპანიამ მოახერხა, რომ ეს იდეა რეალობად ექცია. ალბათ ყველამ კარგად იცის, რომ არსებობს ე.წ ვირტუალური რეალობის აღჭურვილობა. მაგალითად, სათვალეები, რომლის დახმარებითაც ადამიანი სრულიად სხვა სამყაროში აღმოჩნდება. სწორედ ეს არის მეტავერსის მთავარი დანიშნულება, რომ ადამიანებს ვირტუალურ სამყაროში შეექმნათ განცდა, თითქოს ყველაფერი რეალურად ხდება და მიეცეთ ერთად მუშაობისა და გართობის შესაძლებლობა.
მეტავერსის შესახებ სამშაბათს, 15 თებერვალს, შეხვედრა გაიმართა:
„უფრო სწრაფად გადაადგილება, საოცარი შენობების შექმნა და მომავალში ცხოვრება, ეს არის ის, რასაც მეტავერსი გვთავაზობს“, – განაცხადა მარკ ცუკერბერგმა შეხვედრაზე.
აღსანიშნავია ის ფაქტი, რომ კომპანია „მეტას“ აქციებმა უკიდურესი ვარდნა განიცადა ბოლო თვეების განმავლობაში. კრიზისი, რომელიც კომანიაში ამჟამადაც არსებობს, მარკის თქმით, ნელ-ნელა დალაგდება. გარდა ამისა, საუბარი იყო Facebook-ისა და Instagram-ის ევროპის მასშტაბით შეჩერებაზე, შეგიძლიათ იხილოთ აქ.
მსოფლიო მასშტაბით ამ იდეას უდიდესი გამოხმაორება მოჰყვა. ზოგი დადებითი, ზოგიც უარყოფითი. მიუხედავად ამისა, კომპანია არ აპირებს პროექტის გეგმის ცვლილებას და მალე მეტავერსი უამრავი ადამიანისთვის გახდება ხელმისაწვდომი.
[sexy_author_bio]
