ცნობილები და ახალი წელი

ბლეიკ ლაივლი

ბლეიკ ლაივლი და რაიან რეინოლდსი ორ ქალიშვილთან − ჯეიმსთან და ინეზთან ერთად, ახალი წლის შინ გატარებას ამჯობინებენ. „შობა ოჯახთან ერთად ყოფნას გულისხმობს, ამიტომაც ჩვენ არასოდეს ვტოვებთ სახლს“, − აცხადებს ბლეიკი, − „უცნაურია, როგორც ხდება, მაგრამ საბოლოოდ, ყველას ერთ საწოლში გვძინავს. დაახლოებით 7 საათს, უბრალოდ, საუბარში ვატარებთ და ეს ძალიან სასიამოვნოა“.

ლაივლი მზარეულობის სიყვარულითაა ცნობილი, ამიტომ როცა საქმე საახალწლო სუფრას ეხება, სერიოზულად ემზადება. სპეციალურ დესერტთან ერთად, იგი თავისი ხელით დიდი ზომის კერძებსაც ამზადებს.

ჯესიკა ალბა

სამი შვილის − ჰონორის, ჰევენის და ჰეისის დედა ქმართან ერთად სახალისო ტრადიციას მისდევს. ყოველ ახალ წელს ისინი 12 Dაყს ოფ ჩჰრისტმას-ის ორიგინალურ ვერსიას მღერიან.

მილა კუნისი

ორი შვილის − ვიატის და დიმიტრის დედა, ეშტონ კატჩერთან ერთად, ცდილობს თავმდაბალი ბავშვები გაზარდოს. ამიტომ, მათი ოჯახური ტრადიციები ცოტათი არატრადიციულ იერს იძენს. მაგალითად, ახალ წელს ისინი ბავშვებს საჩუქრებს არ ჩუქნიან. „ვფიქრობთ, სანამ პატარები არიან, ეს მათთვის საჭირო არაა. მშობლებსაც ვუთხარით: თუ რამეს მოუტანენ, მხოლოდ ერთი საჩუქარი აარჩიონ. სხვა შემთხვევაში, ქველმოქმედებას გადავცემთ“, − აცხადებს მილა კუნისი.

ჰიუ ჯეკმანი

ჰიუ ჯეკმანი ავსტრალიურ ტრადიციას ამკვიდრებს. „შობაზე ყველა ობოლს ვმასპინძლობთ. ამიტომაც, ვინც მარტოა, გვესტუმროს!“ − აცხადებს მსახიობი. სასიამოვნოა, რომ იმ ადამიანებისთვის, რომლებმაც არ იციან, სად გაატარონ დღესასწაული, ჰიუს სახლის კარი მუდამ ღიაა.

რიზ უიზერსპუნი

მსახიობი ყოველ წელს საშობაო კალენდარს ადგენს და თაფლაკვერის სახლს სამ შვილთან − ავასთან, დიკონთან და ტენესთან ერთად აფორმებს. ახალი წლის წინა დღეებში უიზერსპუნის ოჯახში მიკროტალღური ღუმელი გადაბმულად მუშაობს. ავა პატარა ორცხობილებს აცხობს, ტენესი დედას ვაფლების გაკეთებაში ეხმარება. რიზი ოჯახს გამომცხვარი შაშხითაც უმასპინძლდება.

„მიუხედავად იმისა, რომ იზრდებიან, საშობაო არდადეგებთან დაკავშირებული ტრადიციები ძალიან უყვართ და მოგონებები მუდამ თავს ახსენებთ. შესაძლოა, საშობაო კალენდრის შექმნა დამავიწყდეს, მაგრამ დიკონი აუცილებლად მეტყვის: „დედა, სად არის ის?“ მაშინ ვხვდები ხოლმე, რამდენად მნიშვნელოვანია ეს დეტალები მათთვის“, − აცხადებს ვარსკვლავი.