სამხედრო წვრთნების დროს ორი ვერტმფრენი წყნარ ოკეანეში ჩავარდა. გავრცელებული ინფორმაციით, მომხდარს იაპონური საზღვაო ძალების ეკიპაჟის ერთი წევრი ემსხვერპლა, შვიდი კი დაკარგულია.
ოფიციალური პირების განცხადებით, ორძრავიანი Mitsubishi SH-60K-ები წყალქვეშა წვრთნას გადიოდნენ იზუს კუნძულებთან, ტოკიოს სამხრეთით 600 კილომეტრში (372 მილი).
თავდაცვის მინისტრმა მინორუ კიჰარამ განაცხადა, რომ შემთხვევის მიზეზი უცნობია.
