უკრაინა დაიბრუნებს ყირიმზე კონტროლს – თავდაცვის მინისტრის მოადგილე

უკრაინა რუსეთის შავი ზღვის ფლოტის გასანადგურებლად და ყირიმის დასაბრუნებლად ემზადება – ამის შესახებ  უკრაინის თავდაცვის მინისტრის მოადგილემ ვოლოდიმირ გავრილოვმა  ბრიტანულ გამოცემა The Times-თან ინტერვიუში ისაუბრა.

“უკრაინა გაანადგურებს რუსეთის შავი ზღვის ფლოტს და დაიბრუნებს ყირიმზე კონტროლს დასავლური იარაღით,” _ თქვა ვოლოდიმირ გავრილოვმა

მინისტრის მოადგილე ამბობს, რომ რუსეთის შავი ზღვის ფლოტი, რომელიც დაფუძნებულია ყირიმის საპორტო ქალაქ სევასტოპოლში, არის “მუდმივი საფრთხე” უკრაინისთვის და კიევმა უნდა მოაგვაროს ეს საკითხი.

გავრილოვი ამბობს, რომ უკრაინელი სამხედროები თავიანთ გემსაწინააღმდეგო სარაკეტო შესაძლებლობებს ავითარებენ და დასავლეთისგან უფრო შორი დისტანციის იარაღს ელიან.

,,კიევი ელოდა უცხო ქვეყნებისგან უფრო დიდი დისტანციის იარაღის მიღებას თავდასხმის დაწყებამდე.

ვიღებთ გემსაწინააღმდეგო შესაძლებლობებს და ადრე თუ გვიან დავუმიზნებთ  ფლოტს. ეს გარდაუვალია, რადგან ჩვენ უნდა ვიყოთ ჩვენი ხალხის უსაფრთხოების გარანტია“, – განმარტა თავდაცვის მინისტრის მოადგილემ.

გავრილოვი ამტკიცებდა, რომ უკრაინა ასევე გეგმავს ყირიმის დაბრუნებას – რომელმაც 2014 წლის რეფერენდუმზე, კიევში გადატრიალების შემდეგ, უმრავლესმა ხმა მისცა რუსეთთან გაერთიანებას.

ოფიციალური პირის თქმით, უკრაინის მთავრობა აწარმოებდა დისკუსიებს მათ დასავლელ მხარდამჭერებთან, შეეძლო თუ არა გამოიყენოს უცხოეთიდან მოწოდებული იარაღი ნახევარკუნძულზე რუსული ძალების დასამიზნებლად.

როგორც გამოცემა წერს,  ამერიკელმა ოფიციალურმა პირებმა ადრე დაარწმუნეს, რომ კიევმა პირობა დადო, რომ აშშ-ს წარმოების იარაღი, მათ შორის М142 HIMARS და M270 MLRS მრავალჯერადი სარაკეტო სისტემები, არ გამოიყენებოდა რუსეთის ტერიტორიაზე თავდასხმისთვის. თუმცა, კიევი აცხადებს, რომ ყირიმს არ განიხილავს როგორც რუსეთის ნაწილად, რადგან მას მოსკოვის მიერ ოკუპირებულ უკრაინულ ტერიტორიად მიიჩნევს.

„ადრე თუ გვიან, ჩვენ გვექნება საკმარისი რესურსი, რომ რუსეთის სამიზნე შავ ზღვასა და ყირიმში იყოს. ყირიმი უკრაინის ტერიტორიაა, ამიტომ ნებისმიერი სამიზნე ჩვენთვის ლეგიტიმურია“, – განაცხადა თავდაცვის მინისტრის მოადგილემ.

გავრილოვმა, ასევე არ გამორიცხა დიპლომატიური საშუალებების გამოყენება ყირიმის დასაბრუნებლად და თქვა, რომ „ძალიან კარგად უნდა ვიფიქროთ, როგორ გავაკეთოთ ეს სწორი გზით“.

“ოკუპანტებმა თავიანთ ქმედებებზე პასუხი უნდა აგონ.  რუსეთს მოუწევს, რომ ყირიმის ტერიტორია დატოვოს, თუ მას, როგორც სახელმწიფოს, არსებობა სურს”, – თქვა გავრილოვმა.

უკრაინელმა მაღალჩინოსანმა ეს განცხადება მას შემდეგ გააკეთა რაც რუსეთის უშიშროების საბჭოს თავმჯდომარის მოადგილე  დიმიტრი მედვედევი უკრაინას ოკუპირებულ ყირიმზე იერიშის შემთხვევაში “განკითხვის დღით” დაიმუქრა.