უკრაინაში მაიმუნის ყვავილის პირველი შემთხვევა დაფიქსირდა, – ამის შესახებ უკრაინული მედია ჯანდაცვის სამინისტროს პრესსამსახურზე დაყრდნობით წერს.
ამჟამად პაციენტი ჰოსპიტალიზებულია სამედიცინო დაწესებულებაში სტაციონარული მკურნალობისთვის.
„15 სექტემბერს უკრაინაში მაიმუნის ყვავილის პირველი შემთხვევა ლაბორატორიულად დადასტურდა. ამჟამად პაციენტი ჰოსპიტალიზებულია სამედიცინო დაწესებულებაში სტაციონარული მკურნალობისთვის, მას აქვს დაავადების მსუბუქი ფორმა. დაავადების დიაგნოსტიკა PCR კვლევის წყალობით გახდა შესაძლებელი, რომელიც უკრაინის ჯანდაცვის სამინისტროს დაავადებათა კონტროლისა და პრევენციის რეგიონულმა ცენტრმა ჩაატარა. ამ შემთხვევის ეპიდემიოლოგიური გამოძიება ამ დროისთვის მიმდინარეობს,“ – ნათქვამია განცხადებაში.
სამინისტროს ცნობით, პაციენტმა თქვა, რომ არ ჰქონია შეხება მაიმუნის ყვავილით ინფიცირებულთან და არც საზღვარგარეთ მოგზაურობის ისტორია აქვს. ექიმებმა დაადგინეს, რომ ის დაინფიცირდა ქვეყნის ერთ–ერთ დიდ ქალაქში.
,,პაციენტის თქმით, მას არ ჰქონია შეხება მაიმუნით დაავადებულებთან და არც საზღვარგარეთ უმოგზაურია. მიუხედავად ამისა, დაავადების სიმპტომების გამოჩენა და ეპიდემიოლოგიური ისტორიის შეგროვების წინასწარი შედეგები მიუთითებს იმაზე, რომ პაციენტი დაინფიცირდა ქვეყნის ერთ–ერთ დიდ ქალაქში. დაავადების სიმპტომებს შორის აქვს მაღალი ტემპერატურა, გამონაყარი სხეულზე. პაციენტის კომფორტის შენარჩუნების მიზნით, საქმის აღრიცხვის ზონა არ არის მითითებული.“ – წერია განცხადებაში
შეგახსენებთ, რომ მაიმუნის ყვავილი არის ჩუტყვავილას მსგავსი დაავადება, რომელიც გამოწვეულია ყვავილოვანი ვირუსების ოჯახის ვირუსებით. ის ჰგავს ჩუტყვავილას, მაგრამ აქვს უფრო დაბალი ლეტალობა და მსუბუქი სიმპტომები.
2022 წლამდე მაიმუნის ყვავილი დაფიქსირდა ცენტრალური და დასავლეთ აფრიკის ქვეყნებში, ხოლო ამჟამად დაფიქსირებული შემთხვევების ნახევარზე მეტი სამხრეთ და ჩრდილოეთ ამერიკაშია.
ავტორი
