უკრაინაში ომი უნდა დასრულდეს და ამის შესახებ შეთახნმებას “ბირთვული ომის უფსრკრულის” თავიდან ასაცილებლად რუსეთმა, უკრაინამ და დასავლეთმა უნდა მიაღწიონ. ამის შესახებ ბელარუსის პრეზიდენტი, ალექსანდრ ლუკაშენკო AFP-თან ინტერვიუში ამბობს.
“ჩვენ უნდა შევჩერდეთ, შევთანხმდეთ, დავასრულოთ ეს არეულობა, ოპერაცია და ომი უკრაინაში. მოდით გავჩერდეთ და შემდეგ გავარკვიოთ, როგორ გავაგრძელოთ ცხოვრება… ჩვენ არ გვჭირდება უფრო შორს წასვლა, იქ ბირთვული ომის უფსკრულია”, – თქვა ლუკაშენკომ.
ასევე AFP-თან ინტერვიუში ლუკაშენკომ დაადანაშაულა დასავლეთი რუსეთთან კონფლიქტის ძიებაში და უკრაინაში ომის პროვოცირებაში.
”თქვენ აანთეთ ომი და აგრძელებთ მას,” – თქვა ლუკაშენკომ და დასძინა, რომ ”რუსეთს რომ არ დაესწრო თქვენთვის, ნატოს წევრებო, თქვენ მოაწყობდით და დაარტყამდით მას”.
გარდა ამისა, ლუკაშენკას მიაჩნია, რომ „ახლა მომენტის თავისებურება ის არის, რომ ეს ომი შეიძლება დასრულდეს უკრაინისთვის უფრო მისაღები პირობებით“.
მან მოუწოდა უკრაინის ხელისუფლებას „დასხდნენ მოლაპარაკებების მაგიდასთან და შეთანხმდნენ, რომ ისინი არასოდეს დაემუქრებიან რუსეთს“.
ლუკაშენკომ ასევე განაცხადა, რომ უკრაინა უნდა შეეგუოს რუსეთის მიერ ოკუპირებული რეგიონების დაკარგვას უკრაინის აღმოსავლეთში და სამხრეთში.
