რუსეთის თავდაცვის სამინისტროს განცხადებით, უკრაინაზე შეტევა ყველა მხრიდან მიმდინარეობს და მთავარ სამხედრო ამოცანად კიევის აღება რჩება.
“მას შემდეგ, რაც უკრაინულმა მხარემ უარყო მოლაპარაკებების პროცესი, დღეს ყველა დანაყოფს მიეცა ბრძანება, დაეწყოთ წინსვლა ყველა მხრიდან ოპერაციის გეგმების შესაბამისად“, – განაცხადა რუსეთის არმიის სპიკერმა იგორ კონაშენკოვმა.
ინფორმაციისთვის, კრემლმა პარასკევს განაცხადა, რომ პუტინი მზად იყო ბელარუსში გაეგზავნა დელეგაცია უკრაინასთან მოლაპარაკებებისთვის, მაგრამ უკრაინას სურდა მოლაპარაკებები ვარშავაში.
უკრაინა აცხადებს, რომ მასზე თავდასხმა ხდება რამდენიმე მხრიდან, მათ შორის ბელარუსის მხრიდანაც.
შაბათს, ბრიტანეთის თავდაცვის სამინისტრომ განაცხადა, რომ რუსეთის წინსვლის სიჩქარე დროებით შემცირდა, სავარაუდოდ, მწვავე ლოგისტიკური სირთულეებისა და უკრაინის ძლიერი წინააღმდეგობის შედეგად.
ამ დროისთვის არსებული მონაცემებით, უკრაინა აცხადებს, რომ 198 უკრაინელია დაღუპული, მათ შორის 3 ბავშვია. რუსულ მხარეს კი საკუთარი დანაკარგის შესახებ ჯერ განცხადება არ გაუკეთებია.
მოსკოვმა განაცხადა, რომ მისი მიზანია უკრაინის „დენაციფიკაცია“.
მიუხედავად ფართოდ გავრცელებული მტკიცებულებებისა, რუსეთში აცხადებენ, რომ დასახლებულ პუნქტებს არ ესვრიან.
[sexy_author_bio]
