რუსეთის შეიარაღებული ძალების წინსვლა ყველა მიმართულებით შეჩერდა, მაგრამ უკრაინის ქალაქების უკონტროლო დაბომბვა გრძელდება. ამ ინფორმაციას kyivpost უკრაინის თავდაცვის მინისტრის მოადგილემ ანა მალიარმა განაცხადა.
როგორც ის მედიასთან საუბრისას ამბობს, რუსეთს ჯერ კიდევ აქვს შეტევის განახლების უნარი და თუ ასე მოიქცა ეცდება მოერგოს უკრაინის ეფექტურ თავდაცვის ტაქტიკას.
მან აღნიშნა, რომ რუსეთის შეიარაღებული ძალები ახლა საკვების და საწვავის მომარაგებას ცდილობენ. მისი თქმითვე, მიუხედავად იმისა, რომ რუსეთის შეიარაღებული ძალები გაჩერებულია, ისინი საარტილერიო და საჰაერო თავდასხმას იყენებენ, რითაც მათ შეუძლიათ სამხედრო ინფრასტრუქტურისა და სამოქალაქო სახლების განადგურება.
მალიარმა მოუწოდა მშვიდობიან მოსახლეობას და ტერიტორიული თავდაცვის მებრძოლებს სამხრეთ საგზაო კვანძებში _ ტოკმაკი, მელიტოპოლი და ხერსონი, სადაც თავმოყრილნი არიან რუსეთის ფედერაციის ძალები, ხელი შეუშალონ რუსეთის ჯარების ლოჯისტიკას.
