უკრაინის სამხედრო ძალებმა სუმის ოლქის ქალაქი ტროსტიანეცი რუსეთის საოკუპაციო ჯარებისგან გაათავისუფლა. ინფორმაციას გამოცემა UNIAN-ი 93-ე მექანიზირებული ბრიგადაზე დაყრდნობით ავრცელებს.
როგორც გამოცემა წერს, ბრიგადაში აცხადებენ, რომ რუსული არმია გაიქცა ტროსტიანეციდან და დატოვა იარაღი, აღჭურვილობა და საბრძოლო მასალა, რომელსაც უკრაინელი სამხედროები უკრაინის სხვა ქალაქების ოკუპაციისგან გასათავისუფლებლად იყენებენ.
„დღეს, 93-ე კილოდნი იარის ბრიგადის დახმარებით, ტერიტორიული თავდაცვისა და ადგილობრივი პარტიზანების დახმარებით, სუმის რაიონის ქალაქი ტროსტიანეც გათავისუფლდა რუსული საოკუპაციო ჯარებისგან.
ამას წინ უძღოდა სარდლობის მარცხი, 96-ე ცალკეული სადაზვერვო ბრიგადის ხელმძღვანელობასთან ერთად, ჯერ კიდევ ახტირკას თავდაცვისა და ტროსტიანეცისთვის ბრძოლების პირველ დღეებში. მთელი რიგი წარუმატებლობები განიცადა, რუსული არმია გაიქცა ტროსტიანეციდან. ისინი ტოვებს იარაღს, აღჭურვილობას და საბრძოლო მასალას, რომელსაც 93-ე ბრიგადა იყენებს სხვა უკრაინის ქალაქების ოკუპაციისგან გასათავისუფლებლად“ – აცხადებენ 93-ე მექანიზირებულ ბრიგადაში.
ასევე განცხადებაში აღნიშნულია, რომ „კოლოდნოიარსკმა“ მოახერხა რუსეთის სახმელეთო ჯარების „ელიტის“ – კანტემიროვსკაიას სატანკო დივიზიის განდევნა.
შეგახსენებთ, რომ რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო.
