რუსეთი ცდილობს ბელარუსი უკრაინასთან ღია ომში ჩაითრიოს– ამის შესახებ უკრაინის თავდაცვის სამინისტროს დაზვერვის მთავარი სამმართველოს წარმომადგენელმა ვადიმ სკიბიცკი განაცხადა.
„ჩვენ ვხედავთ რუსეთის მიერ განხორციელებულ ქმედებებს, რათა აიძულოს ბელორუსის ხელმძღვანელობა შევიდეს ღია ომში. პუტინსა და ლუკაშენკოს შორის მუდმივად იმართება შეხვედრები, სადაც ეს საკითხი განიხილება და პუტინი ცდილობს დაარწმუნოს ლუკაშენკო ამ გადაწყვეტილებაზე“, – განაცხადა მან ტელევიზიით.
კიევის სამხედრო დაზვერვის თანახმად, ბელარუსის ექვსი სამხედრო ნაწილი ახლა კონცენტრირებულია უკრაინის საზღვრის გასწვრივ და მის უშუალო სიახლოვეს.
უკრაინის სამხედრო დაზვერვის მონაცემებით, მათ შორის არის მექანიზებული ბატალიონები, საჰაერო სადესანტო ბატალიონები და სპეცრაზმი,
ამასთან, დაზვერვა თვლის, რომ თავად ლუკაშენკო კატეგორიულად ეწინააღმდეგება ბელარუსის ჯარების მონაწილეობას უკრაინასთან ომში.
ერთი დღით ადრე ბელარუსში უკრაინის ელჩს გადაეცა დიპლომატიური ნოტა, რომელშიც ნათქვამია, რომ უკრაინის შეიარაღებული ძალების სარდლობა სავარაუდოდ ბელარუსის ტერიტორიაზე დარტყმას აპირებდა.
ავტორი
