საფრანგეთის პრეზიდენტი ემანუელ მაკრონი 7 თებერვალს შეხვდება რუსეთის პრეზიდენტს – ვლადიმერ პუტინს, რათა თავიდან აიცილოს რუსეთის შეჭრა უკრაინაში. ასავე 8 თებერვალს იგეგმება მაკრონის შეხვედრა უკრაინის პრეზიდენტთან – ვლადიმერ ზელენსკისთან. ამის შესახებ ინფორმაციას ALJAZEERA ავრცელებს.
საქართველოს დროით 7 თებერვალს შეხვედრა 18:00 – საათზე შედგება.
თუ ამ ორ სახელმწიფოს შორის ომი დაიწყება, აშშ-ის ოფიციალური პირების გამოთვლებით, დაახლოებით, 50000-მდე მშვიდობიანი მოსახლე და 25,000-მდე ჯარისკაცი დაიღუპება.
რუსეთის მთავარი მიზანი არის, რომ უკრაინა ნატოში არ გაწევრიანდეს და სხვა ყოფილ საბჭოთა ქვეყნებს ყოველგვარი ურთიერთობა აუკრძალოს აშშ-სთან. მიუხედავად ამ მოთხოვნებისა, ვაშინგტონმა და ნატომ უარყვეს რუსეთის პირობები.
საფრანგეთის ლიდერმა განაცხადა, რომ ის მიზნად ისახავს რუსეთთან დიალოგსა და დეესკალაციას. და მას სჯერა, რომ რუსეთთან მოლაპარაკება შესაძლებელია, თუმცა მაკრონის აზრით, უკრაინის სუვერენიტეტი არ არის განხილვის საგანი. ის დამოუკიდებელი ქვეყანაა.
აღსანიშნავია ის, რომ დასავლური ლიდერებიდან მაკრონმა ყველაზე დიდი ინტერესი გამოთქვა ინტერვენციისა და დაძაბულობის განმუხტვის მიზნით.
შეგახსენებთ, რომ უკრაინის საზღვართან დაახლოებით 100,000 რუსი ჯარისკაცია განლაგებული. მათ თან აქვთ სამხედრო ტექნიკა. ბომბდამშენები და ტანკები. მიუხედავად იმისა, რომ რუსეთი უარყოფს ყოველგვარ შეჭრის საფრთხეს, უკრაინა მაინც მზად არის თავდასხმის მოსაგერიებლად.
https://www.aljazeera.com/news/2022/2/7/macron-takes-leading-role-ukraine-liveblog;
[sexy_author_bio]
