გურჯაანის მუნიციპალიტეტში მომხდარ ავარიაზე „გურია ნიუსისთვის“ ახალი დეტალები ხდება ცნობილი.
როგორც ირკვევა, გარდაცვლილები ნათესავები არიან.
„გურია ნიუსი“ მელაანში მერის წარმომადგენელს ესაუბრა. შალვა იმერლიშვილის თქმით, გარდაცვლილთა შორის ორი არასრულწლოვანია.
„უმძიმესი ტრაგედია დატრიალდა… საუბარი ძალიან მიჭირს. ერთმანეთის ნათესავები არიან. როგორც ვიცი, მანქანა გადაბრუნდა და, სავარაუდოდ, ცეცხლი გაუჩნდა,“ _ ამბობს „გურია ნიუსთან“ შალვა იმერლიშვილი.
შეგახსენებთ, ავარია გვიან ღამით მოხდა. მომხდარ ფაქტზე გამოძიება სსკ-ის 276-ე მუხლით დაიწყო.
