დეკემბერში საპატრიარქოს ზნეობის კომისიამ და ქორეპისკოპოსმა, ახალციხის მიტროპოლიტმა თეოდორე ჭუაძემ შესული არაერთი საჩივრის საფუძველზე იძულებულმა მღვდელმოქმედების უფლება შეუჩერა და ზარზმის მონასტრის წინამძღვრობიდან გადააყენა არქიმანდრიტი ნიკოლოზ გეწაძე. საჩივრები ეხებოდა მის ზღვარდაუდებელ მექალთანეობას, მრევლ გოგონებზე და ქალბატონებზე აღვირახსნილ ნადირობას!
დონჟუან არქიმანდრიტი გეწაძე განდევნილია ზარზმიდან, მაგრამ ეს არ კმარა, რადგან სამღვდელო ხარისხიდან განკვეთილი არაა, მხოლოდ მღვდლობის შეჩერება კი არ კმარა, გადავა სხვა ეპარქიაში “მოსანანიებლად” და ერთ-ორ წლიწადში უჩუმრად აღუდგენენ მსახურების უფლებას, როგორც ეს ტრადიციულად ხდება ხოლმე შიოლაშვილის ეკლესიაში.
აქვე მიმართვა და დარიგება ბერებს (ესე იგი მწირ-მონაზვნებს, დიაკონ-მონაზვნებს, მღვდელ-მონაზვნებს, იღუმენებს, არქიმანდრიტებს, ეპისკოპოსებს, მიტროპოლიტებს) – უმრავლესობა ვერ იკავებთ თავს და ბუნებრივ წესს ვერ აღუდეგით წინ, სხეულს ვერ აჯობეთ, სექსზე ვერ თქვით უარი სამონაზვნო აღკვეცის მიუხედავად! ეგ ერთეულების მიერ იყო/არის მიღწევადი. ამიტომ გაიხადეთ ანაფორა, გაიოარსეთ, მოეშვით ბერობანას მსახიობობას და დაოჯახდით, ან სულაც საყვარლებში თავისუფლად ინავარდეთ, მრევლს და ეკლესიას კი ბინძური ხელები მოაშორეთ! ასე ბევრად სათნო იქნებით ღმერთის თვალში და ბედნიერები! ნუღა აწვალებთ და ტანჯავთ საკუთარ თავებს და მოყვასთ, ქრისტეს სამწყსოს! მოეშვით ამ მაზოხიზმს და დემონიზმს! დაიბრუნეთ თავისუფლება და პირადი ბედნიერება! არც ღმერთს, არც ეკლესიას, არც საქართველოს არ სჭირდება ეგ თქვენი ცრუ-ბერობა და მაიმუნობა ქრისტეს სახელით! _ წერს სოციალურ ქსელში დეკანოზი ილია ჭიღლაძე.
