უნგრეთში საქართველოს და თურქეთის მოქალაქეები ათობით არალეგალური მიგრანტის უკანონო გადაყვანის ბრალდებით დააკავეს. ამის შესახებ ბუდაპეშტის პროკურატურამ განაცხადა. როგორც ადგილობრივი მედია წერს, საუბარია დაახლოებით 65 ადამიანზე, რომლებიც უნგრეთში უკანონოდ შეიყვანეს და ჯგუფი მათ გადაყვანას აპირებდა ადამიანების კონტრაბანდის საერშორისო რგოლით გერმანიაში.
პროკურატურის ინფორმაციით, 26 წლის თურქეთის მოქალაქე და 32 წლის საქართველოს მოქალაქე ბუდაპეშტში საცხოვრებლის მართვაში მონაწილეობდნენ.
მიგრანტები თურქეთისა და ავღანეთის მოქალაქეები არიან.
ისინი ამბობენ, რომ თავდაპირველად, ოქტომბრის დასაწყისში, ორ ბინაში იყვნენ.
მათივე თქმით, თურქეთის მოქალაქე კაცმა მათ ტელეფონები წაართვა, ქართველმა კი ბინაში ჩაკეტა, რადგან გარეთ ვერ გასულიყვნენ. 9 ოქტომბერს ადგილზე პოლიციის მისვლისას დაკავებულმა ქართველმა მანქანით გაქცევა მოახერხა. ის მოგვიანებით სხვა უბანში დააკავეს.
ავტორი
