იურიდიულ საკითხთა კომიტეტზე “ხალხის ძალის” მიერ ინიციირებული კანონპროექტების განხილვა, რომელიც “უცხოელი აგენტების რეგისტრაციის შესახებ” კანონს გულისხმობს, ხმაურის ფონზე მიმდინარეობს. იურიდიულ საკითხთა კომიტეტის თავმჯდომარემ, ოპოზიციონერ დეპუტატებს წესრიგის დაცვისაკენ მოუწოდა. ანრი ოხანაშვილმა, ასევე, ოპოზიციას მოუწოდა, რომ “ხალხის ძალის” წევრისთვის, გურამ მაჭარაშვილისთვის მოხსენების წაკითხვის საშუალება მიეცათ.
ოპოზიციის წარმომადგენლების მხრიდან პერიოდულად ისმის შეძახილები, “არა რუსულ კანონს”.
ანრი ოხანაშვილმა გიორგი ვაშაძეს “უსამშობლო კაცი” უწოდა. “უსამშობლო ხარ, უსამშობლო კაცი ხარ”, – მიმართა ოხანაშვილმა გიორგი ვაშაძეს.
ანრი ოხანაშვილმა მანდატურებს მიმართა, სალომე სამადაშვილი, თამარ კორძაია, ხათუნა სამნიძე, ლევან ხაბეიშვილი, გიორგი ვაშაძე და ანა ნაცვლიშვილი დარბაზიდან გაეყვანათ და წესრიგი უზრუნველეყოთ.
კომიტეტზე საკითხის განხილვა ამ დრომდე ვერ ხერხდება.
