ოზურგეთის თეატრის ექსპერიმენტულ სივრცეში ოზურგეთის #1 საჯარო სკოლის „დრამის“ კლუბის წევრებმა სპექტაკლი „უსასრული ხელოვნება“ წარმოადგინეს.
რა შეიძლება მოხდეს, როდესაც ოთხ თინეიჯერს სკოლის ბიბლიოთეკაში დავალების შესრულების დროს შემოაღამდება? ალბათ ძველი ბერძნული ღმერთის გამოჩენა და ხელოვნების უსასრულო სამყაროში მოგზაურობა… ოთხივე მათგანი წარსულში მოგზაურობას იწყებს და მათი მეგზური სინათლის და ხელოვნების ღმერთი აპოლო არის. აპოლო თავის მუზებთან ერთად, ბავშვებს პროექტის დასრულებაში ეხმარება. აჩვენებს ყველაფერ იმას, რასაც ვიკიპედიაში ვერ იპოვიან. აქ ისინი გაიცნობენ დიდებულ ქალებს, რომლებსაც უდიდესი როლი აქვთ შესრულებული ხელოვნებასა და ისტორიაში.
ოზურგეთის #1 საჯარო სკოლის დირექტორმა მაია თავართქილაძემ სიტყვით გამოსვლის დროს აღნიშნა, რომ მსგავსი წარმოდგენები აუცილებელია ახალი თაობისთვის.
„ ეს არის გონიერი, ნიჭიერი, შემოქმედებითი უნარებით აღსავსე და ამბიციური თაობა, რაც განსაკუთრებით ხაზზგასასმელია. დღეს რაც ვნახე ეს არის ამ ბავშვების რამდენიმე თვიანი შრომის შედეგი. ვფიქრობ, მსგავსი წარმოდგენები აუცილებელი და მნიშვნელოვანია ახალი თაობისთვის. უფრო მეტსაც ვიტყვი დიდებისთვისაც მეტად საინტერესო სანახაობა იყო ამ სპექტაკლში წარმოდგენილი,“ – აღნიშნა მაია თავართქილაძემ.
Usaid-ის სამოქალაქო განათლების პროგრამის კოორდინატორმა გურიის რეგიონში, ინგა დუმბაძის თქმით, სპექტაკლში მოთხრობილი ამბები იყო შთამბეჭდავი და საინტერესო.
„კარგად იყო წარმოდგენილი ხელოვანი ქალების ამბები ამ სპექტაკლში. თითოეული ამბავი იყო შთაბეჭდავი და საინტერესო. იმედია კიდევ ერთხელ ვიხილავთ მსგავსს სპექტაკლებს „დრამის კლუბის“ წევრებისგან,“ – თქვა ინგა დუმბაძემ.
ფსიქოლოგმა მარიამ ჩხარტიშვილმა „დრამის კლუბის“ წევრებს სპექტაკლის დახვეწაში დაეხმარა. მისი თქმით, „უსასრულო ხელოვნება“-ში ყველა მონაწილე თანაბრად იყო ჩართული.
„კლუბის წევრებმა გადაწყვიტეს სპექტაკლის დადგმა და ამ ეტაპზე გადაწყდა დაწერილიყო სცენარი ქალი ხელოვანების შესახებ. განსაკუთრებით საინტერესოა იმ ქალი მუზების ისტორიები, რომლის წყალობით არაერთი ხელოვანი გამხდარა პოპულარული და ცნობილი საზოგადოებისთვის. მაგალითად, ბევრი ვიცით ვერმეერისზე, მაგრამ მეტ-ნაკლები ინფორმაცია არის გავრცელებულ გრიტზე (გოგონა მარგალიტის საყურით). შესაბამისად ბავშვებს უნდოდათ ამ ისტორიების გადმოცემა საზოგადოებისთვის, როგორ იქმნებოდნენ დიდებული ნამუშევრები, როგორი იყვნენ დიდებული ქალბატონები ისტორიაში და რა როლი შეიტანეს მათ ხელოვნებაში”,_ გვითხრა მარიამ ჩხატარაშვილმა.
ავტორი
