საქართველოში ვაქინაცია 15 მარტიდან დაიწყო. დღეის მონაცემებით, აცრილია საქართვველოს მთლიანი მოსახლეობის 11%. სოციალური ქსელების სხვადასხვა ჯგუფში ხშირად სვამენ კითხვებს ვაქცინაციასთან დაკავშირებით. განსაკუთრებით დიდი ინტერესია რისკ ჯგუფის პაციენტებისგან. შაქრიანი დიაბეტით დაავადებული ადამიანები რისკ ჯგუფში შემავალი პაციენტების ყველაზე დიდი ნაწილია.
როგორც ექიმი-ენდოკრინოლოგი ლაშა უჩავა აღნიშნავს, შაქრიანი დიაბეტი და კოვიდი ძალიან საყურადღემოა, იქედან გამომდინარე, რომ შაქრიანი დიაბეტის სტატისტიკური მაჩვენებლები საკმაოდ მაღალია მსოფლიოში და მათ შორის, საქართველოშიც.
„პანდემიის დაწყებიდან ხშირად გაიცემა რეკომენდაციები, თუ როგორ უნდა მოიქცნენ შაქრიანი დიაბეტით დაავადებული პაციენტები. ყველაზე მთავარია, მათ მოწესრიგებული ჰქონდეთ გლუკოზის მაჩვენებელი სისხლში, რომ იმუნური სისტემა იყოს ნორმის ფარგლებში“.
თავიდანვე, როგორც კი დაიწყო მსოფლიოში პანდემია, სიკვდილიანობის ყველაზე მაღალი მაჩვენებელი შაქრიანი დიაბეტით დაავადებულ პაციენტებში იყო. განსაკუთრებით იმ პაციენტებში სადაც არ იყო მოწესრიგებული შაქრის ციფრები“, _ ამბობს ექიმი-ენდოკრინოლოგი ლაშა უჩავა.
_ რეკომენდირებული არის თუ არა შაქრიანი დიაბეტის მქონე პაციენტმა გაიკეთოს COVID19-ზე ვაქცინა?
_ რა თქმა უნდა, შაქრიანი დიაბეტით დაავადებულ პაციენტებში ეს არის არა სასურველი და რეკომენდირებული, არამედ აუცილებელი. სწორედ ეს პაციენტები არიან კოვიდ ინფიცირების გართულებების არსებობის რისკ ჯუფებში. აქედან გამომდინარე, მაშინ, როდესაც ჩვენ ვსაუბრობთ რომ ვაქცინაცია, დაახლოებით 80-86%-ით ამცირებს სტაციონარში მოხვედრის რისკს და დაახლოებით 98%-ში იცავს სიკვდილიანობისგან პაციეტებს. სწორედ შაქრიანი დიაბეტით დაავადებული პაციენტები აუცილებლად უნდა აიცრან, რადგან მოიხსნნა ეს რისკები და სხვადასხვა გართულებები.
_ რომელი ვაქცინაა შაქრიანი დიაბეტიანი პაციენტებისთვის რეკომენდირებული?
_ საქრთველოში ამ ეტაპისთვის გვაქვს ოთხი სახეობის ვაქცინა: სინოფარმი, სინოვაკი, ასტრაზენეკა და ფაიზერი _ ოთხივე მათგანი არის ჯანდაცვის მსოფლიო ორგანიზაციის მიერ აღიარებული, ამიტომ ოთხივე შესაძლებელია გაკეთდეს ყველა პაცენტთან. რა თქმა უნდა, თუ არ ჩავთვლით ასტრაზენეკას ასაკობრივ ზღვრებს. ის უნდა გაკეთდეს 45 წლის ზემოთ ადამიანებთან.
_ საჭიროებს თუ არა ვაქცინაციამდე წინასწარ მომზადებას შაქრიანი დიაბეტით დაავადებული პაციენტები?
_ განსაკუთრებული მზაობა ვაქცინაციისთვის ნამდვილად არაა საჭირო, თუ არ არის რაიმე სხვა კიდევ თანმხლები დაავადებები. მაგალითად, კუაგულაცია (სისხლის შედედება), რომელიც ერთ–ერთი გართულების მაპროვოცირებელ ფაქტორად ითვლება ფაიზერისა და ასტრაზენეკას ვაქცინაციის შემდგომ. თუმცამ სინოფარმზე და სინოვაკზე აღნიშინული კვლევები თუ მონაცემები არ არსებობს. ამიტომ, სანამ გადაწყვეტენ ვაქცინაციის გაკეთებას, სასურველია, პირად ენდოკრინოლიგთან გაიარონ კონსულტაცია, რათა დარწმუნდნენ, რომ არანაირი საფრთხე არ შეექმნებათ. მაგრამ, რა თქმა უნდა, ვაქციანაციის აუცილებლობა შაქრიანი დიაბეტით დაავადებულ პაციენტებში ნამდვილად არსებობს. ამ ყველაფრიდან გამომდინარე, ლიგიკურია, რომ ვაქცინაცია მთელი მსოფლიოსთვის არის პანდემიის დასრულების ერთადერთი იარაღი.
ავტორი: ნათია ფაჩულია
