“მოსამართლის მიერ გამოტანილი აღკვეთის ღონისძიება სინამდვილეში არის ამ ქვეყნისთვის გამოტანილი აღკვეთის ღონისძიება. ერთადერთი მიზანი, რაც ამ სპექტაკლს აქვს არის ის, რომ საქართველოს მოსახლეობის გონიერ, ქვეყნის განვითარების მოსურნე მოქალაქეს აფიქრებინოს, რომ აქ აღარაფერი აღარ გამოვა, უნდა ჩავალაგო ჩემოდანი და წავიდე. მაგრამ ეს არ მოხდება. ვერ ეღირსებით, რომ ჩვენ ჩავსხდეთ თვითმფრინავში ან გემში და დავტოვოთ აქაურობა”,_ ასე შეაფასა “ფორმულას” ეთერში ნიკა მელიასთვის აღკვეთის ღონისძიების შეფარდება “ლელო საქართველოსთვის” წევრმა, ანა ნაცვლიშვილმა.
