“ვგმობ საქართველოს პენიტენციური სამსახურის განზრახვას უკრაინის მოქალაქე, ეროვნული რეფორმების საბჭოს აღმასრულებელი კომიტეტის თავმჯდომარე მიხეილ სააკაშვილის გორის სამხედრო საავადმყოფოდან უკან, რუსთავის ციხეში გადაყვანაზე – ამის შესახებ ნათქვამია უკრაინის სახალხო დამცველის, ლუდმილა დენისოვას სპეციალურ განცხადებაში.
აღნიშნული განცხადება, უკრაინის სახალხო დამცველმა მიხეილ სააკაშვილთან დაკავშირებით, გორის სამხედრო ჰოსპიტალში მომხდარ ინციდენტთან დაკავშირებით გაავრცელა.
როგორც დენისოვა წერს, მიხეილ სააკაშვილის ჯანმრთელობის მდგომარეობა უმძმესია. ის გუშინ ამ დაპირისპირების დროს ცუდად გახდა. უკრაინის სახალხო დამცველი საგანგაშოდ აფასებს ცნობას იმის შესახებ, რომ საქართველოს მესამე პრეზიდენტმა შესაძლოა ისევ შიმშილობა დაიწყოს.
ლუდმილა დენისოვა ამბობს, რომ მიხეილ სააკაშვილს სჭირდება მულტიფუნქციურ კლინიკაში საქართველოში, ან საზღვარგარეთ
,,ვგმობ საქართველოს პენიტენციური სამსახურის განზრახვას უკრაინის მოქალაქე, ეროვნული რეფორმების საბჭოს აღმასრულებელი კომიტეტის თავმჯდომარე მიხეილ სააკაშვილის გორის სამხედრო საავადმყოფოდან უკან, რუსთავის ციხეში გადაყვანაზე
როდესაც მიხეილის გადაყვანა სცადეს, ის გაფითრდა და გონება დაკარგა. მისი ჯანმრთელობის მდგომარეობა კრიტიკულია და ბოლო სამ სასამართლო პროცესზე დასწრება ვერ შეძლო.
გარდა ამისა, უკიდურესად საგანგაშოა ინფორმაცია მიხეილ სააკაშვილის მზადყოფნის შესახებ მორიგი შიმშილობისთვის.
მე არაერთხელ აღვნიშნე მიხეილის მკურნალობის გაგრძელების აუცილებლობა მულტიდისციპლინურ სამოქალაქო კლინიკაში ან მის ფარგლებს გარეთ.
დარწმუნებული ვარ, უკრაინამ უნდა მოახდინოს ექიმების და ექსპერტების დელეგირება, რათა განსაზღვროს ჩვენი მოქალაქის, მიხეილ სააკაშვილის ჯანმრთელობის ზიანის ხარისხი და მიიღოს გადაწყვეტილება შემდგომი მკურნალობის პირობების შესახებ,” ნათქვამია დენისოვას განცხადებაში.
მოვუწოდებ უცხო სახელმწიფოებს და საერთაშორისო უფლებადამცველ ორგანიზაციებს, მკაცრად დაგმონ ქართველი თანამდებობის პირების ქმედებები, რომლებიც არღვევენ მიხეილ სააკაშვილის სიცოცხლის, ჯანმრთელობისა და სამედიცინო დახმარების უფლებებს, როგორც ეს გათვალისწინებულია ადამიანის უფლებათა და ძირითად თავისუფლებათა დაცვის კონვენციის მე-2 მუხლში.
მივმართავ საქართველოს იუსტიციის მინისტრს, უკრაინის მოქალაქე მიხეილ სააკაშვილს გორის სამხედრო ჰოსპიტალში სრულ გამოჯანმრთელებამდე კვალიფიციური მკურნალობა გაუწიოს.“ – ნათქვამია უკრაინის სახალხო დამცველის მიერ გავრცელებულ განცხადებაში.
