,,საქართველოში პოლიტიკოსთა შიმშილობა ბაიდენის ადმინისტრაციის ყურადღებას იქცევს” – ასე ეხმაურება გავლენიანი საერთაშორისო გამოცემა Washington Examiner მიხეილ სააკაშვილის ჯანმრთელობის მდგომარეობის გაუარესებას.
სტატიის ავტორი ტომ როგანი წერს, რომ ციხის საავადმყოფოში მიხეილ სააკაშვილის მდგომარეობის დამძიმებამ სხვა ქართველი პოლიტიკოსები მის მხარდასაჭერად მსგავსი ქმედებებისკენ “აიძულა”. მათ შორის, პროდასავლელი პოლიტიკოსი ელენე ხოშტარია უკვე ორი კვირაა შიმშილობს და მიხეილ სააკაშვილის სამოქალაქო კლინიკაში გადაყვანას ითხოვს.
სტატიაში, ასევე აღნიშნულია, რომ გაუარესდა ხოშტარიას ჯანმრთელობის მდგომარეობაც.
,,საქართველოს ხელისუფლება ამ დრომდე უარს ამბობდა ყოფილი პრეზიდენტის სამოქალაქო საავადმყოფოში გადაყვანაზე, რომელიც ბევრად უკეთ არის აღჭურვილი მისი მკურნალობის კუთხით. თუ ის მოკვდება, ეს შეიძლება მიუთითებდეს საქართველოს მტკიცე უკან დახევას ავტორიტარიზმსა და კრონიზმში.
სააკაშვილი საქართველოს ხელმძღვანელობდა 2004-2013 წლებში და წვლილი შეიტანა ეგრეთ წოდებულ ვარდების რევოლუციაში, რომელმაც დაასრულა რუსეთის პოლიტიკური დომინირება ქვეყანაში. მაგრამ ვლადიმერ პუტინის მომხრე მილიარდერის, ბიძინა ივანიშვილის (ნამდვილი ძალაუფლება საქართველოს ამჟამინდელი ხელისუფლების უკან დგას) აღზევების შემდეგ, სააკაშვილს მოგონილი სისხლის სამართლის ბრალდება წაუყენეს.
დევნის თავიდან აცილების მიზნით მან საქართველოს მოქალაქეობა დათმო და უკრაინაში გაიქცა. ის, იქ რეგიონის გუბერნატორად მუშაობდა ყოფილ პრეზიდენტ პეტრო პოროშენკოსთან კონფლიქტამდე. უკრაინის ხელისუფლებამ სააკაშვილს ბრალი წაუყენა და უკრაინის მოქალაქეობა ჩმოართვა. ამან ის მოქალაქეობის არმქონედ დატოვა. თავისი სიმდიდრის, ქართული აღორძინების მიზნით, სააკაშვილი საქართველოში დაბრუნდა 1 ოქტომბერს და მალევე დააკავა ხელისუფლებამ.
ციხის საავადმყოფოში მისი ჯანმრთელობის გაუარესების გამო, სააკაშვილის მდგომარეობამ აიძულა სხვა ქართველი პოლიტიკოსები მის მხარდასაჭერად მსგავსი ქმედებებისკენ. პროდასავლელი პოლიტიკოსი ელენე ხოშტარია უკვე ორი კვირაა შიმშილობს და სააკაშვილის სამოქალაქო საავადმყოფოში გადაყვანას ითხოვს. ამბობენ, რომ მისი ჯანმრთელობის მდგომარეობა გაუარესდა.“ – წერს სტატიის ავტორი ტომ როგანი
Washington Examiner სტატიაში ავტორი, ასეევ აღნიშნავს, რომ საქართველოს მთავრობის მიერ შავ ზღვაში აშშ-ისა და ბრიტანეთის სამხედრო ხომალდების მასპინძლობის გამო, ბაიდენის ადმინისტრაცია შიშობს, რომ სააკაშვილის მოპყრობის უფრო ძლიერმა დაგმობამ შეიძლება გამოიწვიოს თბილისის მიერ, უფრო მეტად პრორუსული პოზიციის არჩევა.
,,ბაიდენის ადმინისტრაცია, რომელიც გამოხატავს ადამიანის უფლებების დაცვის რიტორიკის , ამ სიტუაციის წინაშე დუმდა.
როგორც ჩანს, საქართველოს მთავრობის მიერ შავ ზღვაში აშშ-ისა და ბრიტანეთის სამხედრო ხომალდების მასპინძლობის გამო, ბაიდენის ადმინისტრაცია შიშობს, რომ სააკაშვილის მოპყრობის უფრო ძლიერმა დაგმობამ შეიძლება გამოიწვიოს თბილისის მიერ, უფრო მეტად პრორუსული პოზიციის არჩევა. ეს არის შეცდომა. ქართველები შეერთებული შტატებს მოელიან ლიდერობისთვის და საქართველოს მთავრობის მიდგომა ნათელია: ის უკვე ამჯობინებს რუსულ კრონიზმს დასავლეთთან სერიოზული ჩართულობის ნაცვლად. ივანიშვილი კანონის უზენაესობას არ სცემს პატივს. ქართველებს სჭირდებათ და იმსახურებენ აშშ-ის მორალურ ლიდერობას და მხარდაჭერას,“– წერია სტატიაში.
ასევე სტატიის ავტორი ტომ როგანი წერს, რომ აშშ-მა და ვეროკავშირმა საქართველოს ხელისუფლებას დაუყოვნებლივ უნდა მოუწოდონ სააკაშვილი სამოქალოქო ჰოსპიტალში გადაყვანისკენ.
,,შეერთებულმა შტატებმა და ევროკავშირმა დაუყოვნებლივ უნდა მოუწოდონ საქართველოს მთავრობას, გადაიყვანოს სააკაშვილი სამოქალაქო ჰოსპიტალში და უზრუნველყოს მისი კანონის შესაბამისად სათანადო პროცესი. თუ ივანიშვილი მიხვდება, რომ დასავლური რეაგირების გარეშე მართლაც შესაძლებელია მისი პოლიტიკური ოპონენტების გაწმენდა. ამ შემთხვევაში, ყველაფერი ძალიან სწრაფად გაუარესდება.“ – წერს სტატიის ავტორი.
