ზაგრებში მიმდინარე ევროპის ჩემპიონატზე ბერძნულ-რომაული სტილით ჭიდაობაში ლერი აბულაძემ ოქროს მედალი მოიპოვა.
ქართველმა სპორტსმენმა ფინალში აზერბაიჯანელი ტელეჰ მამადოვი დაამარცხა. აბულაძემ კონტინენტის ჩემპიონის ტიტული ზედიზედ მეორედ მოიპოვა.
ამასთან, ევროპის პირველობაზე ბრინჯაოს მედალს ნუგზარ წურწუმია (55 კგ) დაეუფლა, რომელმაც სომეხ რუდიკ მკრტიჩიანს შეხვედრის პირველივე ნახევარში 8:0 სძლია.
