როგორც წესი, ზაფხულის ბოლო თვე დასვენებისთვის, მოგზაურობისა და ახალი თავგადასავლებისთვის ყველაზე დატვირთული და აქტიურია. ასტროლოგები ზოდიაქოს იმ ნიშნებს ასახელებენ, რომლებიც აგვისტოში ნამდვილ სიყვარულს შეხვდებიან, სასიამოვნო განწყობას შეიქმნიან და რომანტიკულ ურთიერთობას წამოიწყებენ:
სასწორი
ასტროლოგების თქმით, ზოდიაქოს ამ ნიშნის წარმომადგენლები მნიშვნელოვან ადამიანს სწორედ აგვისტოს თვეში შეხვდებიან და სასიამოვნო თავგადასავალიც ელით. სასწორებო! შესაძლოა, თქვენთვის საყვარელი ადამიანი სრულიად მოულოდნელად გაიცნოთ და სიყვარული მაშინ გეწვიოთ, როცა ყველაზე ნაკლებად ელოდებით. მიეცით საკუთარ თავს ბედნიერების უფლება. იმისათვის, რომ არსებული ურთიერთობით ბოლომდე დატკბეთ, საბოლოოდ უნდა დაემშვიდობოთ წარსულში დატოვებულ ადამიანებს. თუ გსურთ, ცხოვრების ახალი ეტაპი დაიწყოთ, გათავისუფლდით ეჭვებისა და შიშებისაგან და შანსს ხელიდან ნუ გაუშვებთ.
თევზები
თევზები ყველაზე მგრძნობიარე და ემოციური ადამიანები არიან და მათთვის ძალიან რთულია, ისეთ პარტნიორს შეხვდნენ, რომლებიც მათ ემოციებს სრულად გაიზიარებენ, მაგრამ 2023 წლის აგვისტომ გადაწყვიტა, თევზებს სიურპრიზი მოგიწყოთ – სწორედ ამ პერიოდში შეხვდებით ადამიანს, რომელიც განსაკუთრებით შეგიყვარდებათ და სულიერ მეგობრად ჩათვლით. ასტროლოგების თქმით, შესაძლოა, ახლა სულ სხვა ადამიანით ხართ გატაცებული, მაგრამ ვერც კი შეამჩნევთ, როგორ გადავა თქვენი ყურადღება იმაზე, რომელთან შეხვედრასაც ვარსკვლავები გიმზადებენ. თავს ძალიან კომფორტულად და ბედნიერად იგრძნობთ და მიხვდებით, რომ ის ისაა, ვისაც ამდენი ხნის განმავლობაში ეძებდით.
