ვერძი
ვერძისთვის ზამთრის პერიოდი შესაძლოა, რაიმე ახლისა და მნიშვნელოვანი საქმის დასაწყისი იყოს. წარმოუდგენელ ენერგიასა და მოტივაციას იგრძნობთ და შეგეძლებათ, ყველა პროექტი დაიწყოთ, რომლებზეც კი აქამდე გიოცნებიათ, თუმცა, განხორციელების გზებს ვერ პოულობდით. მომდევნო თვე უამრავ ახალ პერსპექტივასა და შესაძლებლობას მოგცემთ, სერიოზულად დაფიქრდებით რაღაცების განახლებაზე და დაემშვიდობებით იმას, რასაც თქვენს ცხოვრებაში ბედნიერება და სიხარული აღარ მოაქვს. წინ არაერთი გამართლება და საინტერესო საქმეა. ახლა დროა, თქვენი შრომის შედეგი სრულად დაინახოთ.
კურო
სამსახურში არსებული ფონი დასტაბილურდება, სიმშვიდეს იგრძნობთ და შემოქმედებითად კიდევ უფრო გააქტიურდებით. თუმცა, შესაძლოა, პროფესიის, საქმის, მიმართულების შეცვლაც კი გადაწყვიტოთ და აირჩიოთ ის, რაზეც სულ ოცნებობდით. რადიკალური გადაწყვეტილებების ნუ შეგეშინდებათ. როგორც ასტროლოგები ამბობენ, ახლა ძალიან დიდი შანსი გაქვთ, რომ თქვენი ყველა წამოწყება წარმატებითა და აღიარებით დასრულდეს. გადადგით ნაბიჯები იმ საქმეებისკენ, რომელთა გაკეთებაც სულ გინდოდათ, მაგრამ დრო და მოტივაცია არ გყოფნიდათ და ახალი, კიდევ უფრო საინტერესო ეტაპი დაიწყეთ.
კირჩხიბი
თუკი პირად ურთიერთობებში აქამდე გარკვეული სირთულეები გქონდათ, ზამთრის ეს თვეები თქვენთან სტაბილურობას, სიმშვიდესა და ჰარმონიას შემოიტანს და თავს ბედნიერად იგრძნობთ. მარტოხელა კირჩხიბებს დიდი შანსი აქვთ, რომ საბოლოოდ შეხვდნენ ადამიანს, რომელიც მათ ცხოვრებას გაამრავალფეროვნებს და კიდევ უფრო საინტერესოს გახდის. უკვე დაოჯახებულები კი ოჯახში კომფორტსა და სიმშვიდეს იგრძნობენ, მეორე ნახევართან ერთად დროს შესანიშნავად გაატარებენ და სახალისო თავგადასავალს შექმნიან.
ქალწული
ქალწულის ნიშნის წარმომადგენლები, როგორც წესი, მიჩვეულები არიან, რომ ირგვლივ ყველაფერი უნდა მოაწესრიგონ და დაალაგონ. ახლა დროა, თქვენს შინაგან სამყაროში, ფიქრებსა და ემოციებში ყველაფერი დალაგდეს და თავი მშვიდად და ბედნიერად იგრძნოთ. მომდევნო თვეები კიდევ უფრო დიდი ცვლილებებისთვის მოგამზადებთ. საკუთარ თავშიც აღმოაჩენთ ტრანსფორმაციას, რაღაცების გადაფასების სურვილს და ცხოვრებას განახლებული ფურცლიდან დაიწყებთ. სერიოზული ცვლილებებისაკენ სწრაფვა წარმატებით დასრულდება და ახალ, საინტერესო შესაძლებლობასაც მიიღებთ.
სასწორი
ბოლო თვეების განმავლობაში სასწორის ცხოვრებაში ბევრი რამ შეიცვალა. ზოგიერთი ცვლილება კი არც თუ ისე პოზიტიური იყო. ასტროლოგების თქმით, მომდევნო სამი თვე თქვენთან ყველაფერს უკეთესობისაკენ შეცვლის. ზამთარი არის პერიოდი, როდესაც თქვენს მომავალს საფუძველი ჩაეყრება! გახსოვდეთ, ის, რაზეც ახლა გაამახვილებთ ყურადღებას, მთელი წელი გაგყვებათ და შესაძლოა, ცხოვრებაც კი შეცვალოს. გამოიყენეთ ყველა შესაძლებლობა, რასაც მიმდინარე თვეები მოგცემთ. არ თქვათ უარი ახალი ცოდნისა და გამოცდილების მიღებაზე, ბევრი რამ სცადეთ და განვითარდით. წინ ძალიან საინტერესო ეტაპი გელით.
ავტორი
