,,ზოგიერთი ქვეყნის ხელისუფლებამ პანდემია საბაბად გამოიყენა და განსხვავებული აზრი უსაფრთხოების მკაცრი და საგანგებო ზომებით ჩაახშო, ძირითადი თავისუფლებების კრიმინალიზაცია მოახდინა, ინფორმაციის დამოუკიდებელი გავრცელება და არასამთავრობო ორგანიზაციების საქმიანობა შეზღუდა“, _ ამის შესახებ გაეროს გენერალურმა მდივანმა ანტონიო გუტერეშმა, გაეროს ადამიანის უფლებათა საბჭოს ყოველწლიური სხდომის გახსნაზე სიტყვით გამოსვლისას განაცხადა, _ ინფორმაციას The Guardian ავრცელებს.
როგორც გამოცემა წერს, გაეროს გენერალურმა მდივანმა განაცხადა, რომ რიგი ქვეყნების ხელისუფლებებმა კოვიდ 19-ის გავრცელების შეჩერების მიზნით დაწესებული შეზღუდვები თავიანთი პოლიტიკური ოპოზიციის დასასუსტებლად გამოიყენეს და იყენებენ.
,,ვირუსი აზიანებს პოლიტიკურ და სამოქალაქო უფლებებს და კიდევ უფრო ამცირებს სამოქალაქო სივრცეს. ზოგიერთ ქვეყანაში ხელისუფლებამ, პანდემია საბაბად გამოიყენა, უსაფრთხოების მკაცრი რეაგირებისთვის და საგანგებო ზომები განსხვავებული აზრის განადგურებისთვის, ძირითადი თავისუფლებების კრიმინალიზაციისთვის, დამოუკიდებელი აზრის გასაჩუმებლად და არასამთავრობო ორგანიზაციების საქმიანობის შეზღუდვისთვის.
ადამიანის უფლებათა დამცველები, ჟურნალისტები, იურისტები, პოლიტიკური აქტივისტები – თუნდაც სამედიცინო პროფესიონალები – დააკავეს. მთავრობის მიერ პანდემიის რეაგირების კრიტიკის გამო დევნიან, აშინებენ და უთვალთვალებენ. პანდემიასთან დაკავშირებული შეზღუდვები გამოყენებულია საარჩევნო პროცესების საწინააღმდეგოდ და ოპოზიციური ხმების შესუსტების მიზნით“, _ განაცხადა გაეროს გენერალურმა მდივანმა.
ანტონიო გუტერეშმა, ასევე, აღნიშნა, რომ ხელისუფლებებმა პანდემიის შესახებ მნიშვნელოვანი ინფორმაციის მიღება შეზღუდეს, ასევე, პანდემიამ გაართულა სამშვიდობო ძალისხმევები.
,,ზოგჯერ, Covid-19 შესახებ მნიშვნელოვანი ინფორმაციის, ხელმისაწვდომობა დაიმალა, ხოლო გამანადგურებელი და მომაკვდინებელი იყო დეზინფორმაცია – თუნდაც ხელისუფლების წარმომადგენლების მიერ.
ექსტრემისტებმა – მათ შორის თეთრკანიანებმა და ნეონაცისტებმა _ პანდემია გამოიყენეს, თავიანთი რიგებში სოციალური პოლარიზაციისთვის, პოლიტიკური და კულტურული მანიპულირების გზით.
პანდემიამ ასევე გაართულა სამშვიდობო ძალისხმევა, შეზღუდა მოლაპარაკებების წარმართვის შესაძლებლობა, გაამძაფრა ჰუმანიტარული საჭიროებები და შეარყია პროგრესი ადამიანის უფლებებთან დაკავშირებულ სხვა გამოწვევებთან ერთად.
Covid-19– მა გააძლიერა ორი ფუნდამენტური ჭეშმარიტება ადამიანის უფლებების შესახებ: 1. ადამიანის უფლებების დარღვევები ზიანს გვაყენებს ყველას.
2. ადამიანის უფლებები უნივერსალურია და ყველას გვიცავს.
პანდემიაზე ეფექტური რეაგირება უნდა ემყარებოდეს სოლიდარობას და თანამშრომლობას. გაყოფის მიდგომებს, ავტორიტარიზმს და ნაციონალიზმს აზრი არ აქვს გლობალური საფრთხის წინააღმდეგ ბრძოლაში. პანდემია, რომელიც ადამიანის უფლებების ყურადღების ცენტრშია, გამოჯანმრთელება იძლევა ტრანსფორმაციის იმპულსის შექმნის შესაძლებლობას. წარმატების მისაღწევად, ჩვენს მიდგომებს უნდა ჰქონდეს ადამიანის უფლებების ობიექტივი.
მდგრადი განვითარების მიზნები, რასაც ადამიანის უფლებები ემყარება, ქმნის ჩარჩოს უფრო ინკლუზიურ და მდგრად ეკონომიკას საზოგადოებისთვის, ყველასთვის ჯანმრთელობის დაცვის აუცილებლობის ჩათვლით“, _ განაცხადა გაეროს გენერალურმა მდივანმა.
