“ზვავსაშიშროების საფრთხის გამო მოძრაობა აკრძალულია” _ გაფრთხილება მძღოლებს

გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე ზვავსაშიშროების საფრთხის დონე მაღალია.

როგორც საავტომობილო გზების დეპარტამენტში აცხადებენ, ზვავსაშიშროების საფრთხის მაღალი დონის გამო,  აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.