ადგილობრივი თვითმმართველობის არჩევნების დასრულების შემდეგ, ოზურგეთის სპორტის სასახლეში, ლოტოტრონის პრინციპით, რაც საარჩევნო კოდექსში სიახლეა, ხუთი სოფლის ბიულეტენების გადათვლა ხდება.
ხუთი სოფელი: ჭანიეთი, ლიხაურის მეორე უბანი, ცხემლისხიდი, ასკანა და დვაბზუ, ლოტოტრონის პრინციპით ამოღებული ბურთულების შესაბამისად შეირჩა.
_გადათვლის პროცესში ჩართულია ის პირები, რომლებიც იყვნენ აღნიშნული სოფლების უბნების კომისიის წევრები. წილისყრით გამოვლინდა ოლქის და უბნების კომისიების წევრები, ისინი, ვინც გადათვლაში მონაწილეობს. ამ ეტაპზე დარღვევის ფაქტი არ გამოვლენილა. შემდეგ ამ ბიულეტენებს დალუქავენ, ნომერ 60 ოლქში ჩატარდება სხდომა და კომისიის თავმჯდომარე მიიღებს განკარგულებას, – თქვა „გურია ნ იუსთან“ ცენტრალური საარჩევნო კომისიის წარმომადგენელმა ზვიად თენიეშვილმა.
