ქაოსური სატრანსპორტო მოძრაობა ქალაქსა და ქალაქის გარეთ ხშირად იმაზე მეტყველებს, რომ მძღოლები არ იცავენ საგზაო მოძრაობის წესებს, არ უთმობენ ერთმანეთს გზას და არ გადაადგილდებიან მოწესრიგებულად. ყველა ავტომობილმა წესების მიხედვით რომ იმოძრაოს ავტოსაგზაო შემთხვევების და დაშავებულთა რიცხვი მინიმუმამდე შემცირდება.
გთავაზობთ იმ ძირითად 10 ქცევას, რომლებიც საგზაო მოძრაობის დარღვევის ფაქტთან ერთად, მძღოლის მიერ მართვის არაკულტურულ ფორმას მიუთითებს:
1. ზებრა-გადასასვლელზე ქვეითისთვის გზის არ დათმობა – ზებრა არსებობს იმისათვის, რომ ქვეითმა მისი საშუალებით ქუჩის გადაკვეთა შეძლოს. თუმცა მძღოლების ნაწილი არ მიიჩნევს საჭიროდ, რომ ზებრა-გადასასვლელთან ქვეითი გაატაროს.
2. მანქანებს შორის დისტანციის არ დაცვა – იმ სატრანსპორტო საშუალების მძღოლმა, რომელიც მიჰყვება სხვა სატრანსპორტო საშუალებას, უნდა დაიცვას სათანადო დისტანცია, რათა თავიდან აიცილოს შეჯახება მის წინ მიმავალი სატრანსპორტო საშუალების მოულოდნელი დამუხრუჭების ან გაჩერების შემთხვევაში. მოძრაობის უსაფრთხოების უზრუნველსაყოფად აუცილებელია აგრეთვე გვერდითი ინტერვალის დაცვა.თუმცა, არიან მძღოლები, რომლებიც ძალიან ახლოს არიან წინ მიმავალ მანქანასთან, რაც საფრთხეს ქმნის
3. არასწორ ადგილას გასწრება – ქუჩებსა და გზებზე, სადაც უწყვეტი ღერძულა ხაზია დახაზული, გასწრება არ შეიძლება. ეს იმიტომ რომ აღნიშნული გზების მონაკვეთებზე გასწრება სახიფათოა. თუმცა, ამ წესს ხშირად არ ემორჩილებიან მძღოლები და არასწორ ადგილას უსწრებენ წინ მიმავალ მანქანას, რითიც საკუთარ სიცოცხლესთან ერთად, სხვების სიცოცხლესაც საფრთხეს უქმნიან.
4. სწრაფ ზოლში მკვეთრად დაბალი სიჩქარით მოძრაობა – სწრაფ ზოლში ავტომობილი მოძრაობდეს მკვეთრად დაბალი სიჩქარით გადაადგილება აფერხებს მოძრაობას, დაბალი სიჩქარით გადაადგილებისთვის უკიდურესი მარჯვენა ზოლი არსებობს.
5. ყვითელ შუქნიშანზე გავლა – ალბათ არაერთხელ შეგინიშნავთ, როდესაც ყვითელ შუქნიშანზე მანქანა მოძრაობას არ აჩერებს, არადა ყვითელი შუქი ნიშნავს რომ მძღოლი უნდა მოემზადოს გაჩერებისთვის. თუმცა, მძღოლების დიდი ნაწილი ყვითელ შუქნიშანზე არ ჩერდება და პირიქით მას იყენებენ როგორც დამატებით დროს იმისათვის, რომ გაჩერება არ მოუწიოთ. მაშინ, როცა მძღოლს, ყვითელი მაშუქი სიგნალის ჩართვის დროს მკვეთრად დამუხრუჭების გარეშე არ შეუძლია გაჩერდეს მხოლოდ კანონით განსაზღვრულ ადგილებში აქვს უფლება განაგრძოს მოძრაობა.
6. ზოლიდან ზოლში ციმციმას ჩართვის გარეშე გადასვლა – ციმციმას ჩართვა აუცილებელია, რათა უკან მიმავალ ავტო მანქანას აცნობო, რომ აპირებ მარჯვნივ ან მარცხნივ შეხვევას, ზოლიდან ზოლში გადასვლას და ა.შ. ხშირ შემთხვევაში, მძღოლი არ რთავს ციმციმას და იწყებს მარჯვნივ ან მარცხნივ გადაადგილებას, რაც საფრთხეს უქმნის უკან მიმავალ ავტომობილს, რომლის მძღოლმაც შესაძლოა, ვერ მოასწროს საჭირო მანევრის განხორციელება და წინ მიმავალს შეეჯახოს.
7. ღვედის გარეშე მგზავრობა – ღვედი აუცილებელია იმისათვის, რომ მკვეთრი დამუხრუჭების ან შეჯახების დროს თავი დავიცვათ. ბევრი მძღოლი და მგზავრი ვერ აღიქვამს, რომ ეს მათი უსაფრთხოებისთვის აუცილებელია.
8. ბავშვის წინა სავარძელზე დასმა – 12 წლამდე ასაკის ბავშვების წინა სავარძელზე დასმა არ შეიძლება. ეს საფრთხეს უქმნის მოზარდის სიცოცხლეს. ასევე აუცილებელია მცირეწლოვანი ბავშვის სპეციალური სავარძლით გადაყვანა, რასაც მშობლები იშვიათად იცავენ.
9. არასწორ ადგილას პარკირება – მანქანის ტროტუარზე, გზის სავალ ნაწილზე, შშმ პირებისთვის განკუთვნილ საპარკინგედ გამოყოფილ ადგილზე და ისეთ ადგილას გაჩერება, სადაც ფერხდება სატრანსპორტო ნაკადების მოძრაობა – მძღოლის არაკულტურულ ქცევაზე მიუთითებს.
10. ავტობუსის ზოლში სიარული – თბილისში, დაახლოებით 2 წელია რაც ავტობუსის ზოლები გამოჩნდა (BUS LINE), რათა ამ ზოლში მხოლოდ საზოგადოებრივმა ტრანსპორტმა უნდა იმოძრაოს. თუმცა, არაერთი მძღოლი არღვევს წესს და სარგებლობს ავტობუსის ზოლით, რათა გვერდით ზოლში მანქანების რიგს თავი აარიდოს.
წყარო: police.ge
