და ობიექტურად გამოიძიოს ის თემები, რომლებიც ხვედელიძის და ნაცვლიშვილის ამბავს უკავშირდება.
თარგამაძე ჟურნალისტებთან, ასევე, ვინმე უჩა მამაცაშვილზე საუბრობს, რომელიც, მისი თქმით, ხუხაშვილის ფუნქციებს ითავსებს და ბიზნესმენებზე ფიზიკურ ზეწოლას ახორციელებს, ბიზნესწილების ჩამორთმევის მიზნით.
“მინდა გავამახვილო ყურადღება დღევანდელ ინფორმაციაზე, რომელიც გაავრცელა ქალბატონმა ელისო კილაძემ და მოგვაწოდა მინდია მინდელმა. მინდა გავახსენო ყველას, რომ ლაშა ნაცვლიშვილი, როცა ის იყო უშიშროების მინისტრის მოადგილე 2001 წელს, არსებობს ამის კადრები, ქრთამის აღების მეშვეობით, “ფეროს” და “ჭიათურმანგანუმის? დაუფლებას ცდილობდა. მინდა მივმართო ყველა კოლეგას, ყველა ტელევიზიის ჟურნალისტს _ ეს კადრები არსებობს თქვენ არქივებში. ძალიან გთხოვთ, ამოიღოთ და აჩვენოთ საზოგადოებას. ძალიან სამწუხარო და საგანგაშოა, რომ ამდენი წლის შემდეგ, ნაცვლიშვილი გახდა გენერალური პროკურორის მოადგილე, დაკავდა იგივე საქმით და ისევ თავხედურად ცდილობს იგივეს გაკეთებას ათ წელზე მეტი ხნის შემდეგაც. მე მივმართავ პირადად პრემიერ მინისტრს _ თქვენ, ნაცვლად იმისა, რომ დაიცვათ თქვენი კადრები, ნაცვლად იმისა, რომ ხვედელიძე ასეთი ფარსით ჯერ დააკავოთ, შემდეგ გამოუშვათ; ნაცვლად იმისა, რომ იყოთ დაკავებული ნაცვლიშვილის დაცვით, თუ თქვენ ამ ადამიანებს არ დააკავებთ და არ ჩაატარებთ სრულფასოვან გამოძიებას, თქვენ შეგექმნებათ უდიდესი პრობლემა.
უკვე სახეზეა სისტემური კორუფცია და მე ამ სისტემას წარმოვადგენ ამ დღეების და ამ თვეების მანძილზე. მე შეგახსენებთ, _ პირობა მოგეცით, რომ ვინმე უჩას გვარს დავადგენდი. დღეს შემიძლია გითხრათ _ ეს არის უჩა მამაცაშვილი, 1967 წელს დაბადებული, რამდენადაც მე ვიცი, რუსეთის მოქალაქე. იგი ჩამოყვანილია პრემიერ-მინისტრის მიერ რუსეთიდან და არის სწორედ მთავარი ფიგურა ბიზნესების ართმევის, უხეშად რომ ვთქვათ, “ახევის” საქმეში, ხუხაშვილთან ერთად. არის ხუხაშვილი, როგორც წარმოსაჩენი ფიგურა და არიან ეს ვინმე უჩა მამაცაშვილი და ღამბაშიძე, რომლებიც ფიზიკურად აწარმოებენ ზეწოლას ბიზნესმენებზე. მათ შორის, უცხოელებზე, იმისათვის, რომ მათ დათმონ ბიზნესები. უჩა მამაცაშვილი, ჩემი ინფორმაციით, არის ივანიშვილის ნათესავი,” _ განაცხადა გივი თარგამაძემ ჟურნალისტებთან საუბრისას.
