ამიტომ, უკეთესი იქნება, თუკი ჩვენც ჩაგვაყენებთ საქმის კურსში, რა ხდება საკრებულოში,” _ ეს განცხადება, ლანჩხუთის მუნიციპალიტეტის საკრებულოს ბიუროს სხდომაზე, გამგებლის მოადგილემ ვახტანგ ზენაიშვილმა გააკეთა.
ამ განცხადებას მაკა კვირკველია გამოეხმაურა და აღნიშნა, რომ საკრებულო თავის დონეზე არ დგას. თავის მხრივ, მარიკა თურნავამ პასუხი მოსთხოვა დავით წულაძეს გასულ კვირას გაკეთებული განცხადების გამო, როცა მან ლანჩხუთის საკრებულოს “ბალაგანი” უწოდა და სთხოვა დაეკონკრეტებინა, თუ ვის გულისხმობდა. წულაძემ უპასუხა, საკრებულოს თავმჯდომარე ამირან გიგინეიშვილსო.
მარიკა თურნავამ ამავე სხდომაზე, გასული კვირის ხმაურიანი პრესკონფერენციის დეტალებზე გაამახვილა ყურადღება და მოითხოვა განმარტებების გაკეთება იმ საჯარო მოხელეებისაგან, რომლებსაც ორმაგი სარგო აქვთ: “იმ დღეს იქ ისეთი პიროვნებები იყვნენ, რომლებსაც ჩვენზე ორჯერ მეტი ხელფასები აქვთ და ამ დროს ჩვენი ხელფასი გახდა სალაპარაკო?! ამიტომ, ყველა მედიასაშუალებას მივმართავ _ გთხოვთ, ამოიღეთ ყველას ხელფასი რაოდენობა, გამოაქვეყნეთ და ამის შემდეგ ყველამ გააკეთოს კომენტარი,” _ თქვა თურნავამ.
ბიუროს სხდომაზე, რომელიც ძირითადად რეპლიკების ფონზე მიმდინარეობდა, სხვა საკითხებიც იქნა განხილული. ამირან გიგინეიშვილმა აღნიშნა, რომ საკრებულოში დაწყებულია ადმინისტრაციული წარმოება “ლანჩხუთის მუნიციპალიტეტის საჯარო მოხელეთა კონკურსისა და ატესტაციის ჩატარების და საკონკურსო-საატესტაციო კომისიის საქმიანობის დებულების დამტკიცების შესახებ”. მუნიციპალიტეტის იურიდიული სამსახურის ხელმძღვანელის შოთა ჩაგუნავას განმარტებით კი, მიმდინარე წლის ივლისიდან ყველა საჯარო დაწესებულებაში ჩატარდება კონკურსი ყველა საჯარო ვაკანსიაზე.
საფინანსო სამსახურის უფროსის როლანდ ლაშხიამ, სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისთვის თანხის გამოყოფის შესახებ ისაუბრა და აღნიშნა, რომ საქართველოს მთავრობის განკარგულებით, ლანჩხუთის მუნიციპალიტეტს გამოეყო 838 208 ლარი. აქაც ისევ ბატონმა დავით წულაძემ იაქტიურა, რას ჰქვია ეს საკითხი ისევ ლაშხიამ უნდა გამოიტანა _ კანონის მიხედვით საკრებულოს თავმჯდომარე ან გამგებელი უნდა იყოს საბიუჯეტო ცვლილებების მომხსენებელიო.
ეთიკისა და სამანდატო-საპროცედურო კომისიის თავმჯდომარემ ილია გვარჯალაძემ, ფრაქცია “ერთიანი ნაციონალური მოძრაობის” რიგებიდან კიდევ ერთი დეპუტატის _ ზორბეგ ხუხუნაიშვილის გასვლის შესახებ გვამცნო და აღნიშნა, რომ ბატონი ზორბეგი ფრაქციას _ “რეალური თვითმმართველობისთვის” შეუერთდა.
სხდომის დასასრულს, დავით წულაძემ წინადადება წამოაყენა, რომ სოფლის რწმუნებულები და სპეციალისტები პრემიებით დაჯილდოვდნენ: “შეხვდით სოფლის რწმუნებულებს და ნახავთ, რა დღეშიც არიან. დღე და ღამე მუხლჩაუხრელად შრომობენ, ღამეები არ სძინავთ და ნამდვილად ეკუთვნით ანაზღაურება.”
ამ იდეას ბიუროს წევრებიც მიესალმნენ.
ბოლოს მარიკა თურნავამ განაცხადა, რომ მან გამგებლის მოადგილის ვახტანგ ზენაიშვილისა და ააიპ “ლანჩხუთის გურიას” დირექტორს, ირაკლი ფაცურიას სახელზე შემდეგი სახის განცხადება შეიტანა: “გთხოვთ, კანონით დადგენილ ვადაში მოგვაწოდოთ ყველა თანამშრომლის სახელი, გვარი, თანამდებობრივი სარგო, შტატები და შტატგარეშე მოსამსახურეთა სრული ნუსხა. ასევე ჯილდოს და პრემიის გაცემის შესახებ ბრძანების დამოწმებული ასლები 2012 წლის 1 ოქტომბრიდან დღეის მდგომარეობით.” კანცელარიიდან მივიღე პასუხი, რომ ისინი არ არიან ვალდებული, წერილი გამომიგზავნონ. რატომ მომიბრუნეს ეს განცხადება უკან, საინტერესოა,” _ თქვა თურნავამ.
