საჭირო მასალა: ქორჭილა (окунь) ან ზღვის სხვა თევზი _ 500 გრამი; ქამა სოკო _ 200 გრამი; ხახვი _ 1 ცალი; მარილი, წიწაკა _ გემოვნებით.
სოუსისთვის: 100-150 გრამი ნაღები; ნახევარი ლიმონის ცედრა; 1 კვერცხის გული; 1 სუფრის კოვზი ფქვილი; ცოტა დაჭრილი მწვანილი – კამა, ოხრახუში; მარილი, პილპილი.
მომზადება: გარეცხილი და გამშრალი თევზის ფილე დავჭრათ ულუფებად, მოვაყაროთ მარილი და წიწაკა. შევწვათ მზესუმზირის ზეთში ორივე მხრიდან 2-3 წუთით. სოკო რგოლებად, ხახვი კი დავჭრათ წვრილად. გახურებულ ზეთში შევწვათ ხახვი, დავუმატოთ სოკო და ვშუშოთ 10 წუთი.
სოუსისთვის ფქვილი მოვშუშოთ კარაქში, დავუმატოთ ნაღები და მორევით მივიყვანოთ ადუღებამდე ერთგვაროვანი მასის მიღებამდე. დავუმატოთ წვრილად დაჭრილი მწვანილი, კვერცხის გული, მარილი, პილპილი.
თევზის შემწვარი ნაჭრები ჩავალაგოთ საცხობ ფორმაში, ზემოდან მოვაწყოთ შემწვარი სოკო, ხახვი და მოვასხათ სოუსი. შევდგათ გახურებულ ღუმელში და 10 წუთი ვაცხოთ.
