“ქალთა კავშირის” ბრიფინგი ზუგდიდში

მაგრამ როგორც ორგანიზაციის ერთ-ერთმა ლიდერმა, ინგა ქარდავამ გვითხრა, ბრიფინგი ზუგდიდში, საოლქო პროკურატურის მიმდებარე ტერიტორიაზე გაიმართება.

ბრიფინგი აღნიშნულ ადგილას ჩაატარეს. თემა იყო _ უხეში ჩარევა თვითმმართველობის ორგანოების საქმიანობაში.

“გურია ნიუსი” ბრიფინგზე წარმოთქმულ სიტყვას ყოველგვარი კომენტარის გარეშე უცვლელად გთავაზობთ.

ინგა ქარდავა: “სენაკის რაიონის გამგებლად “ქართული ოცნების” პოლიტსაბჭომ გოჩა დგებუაძის კანდიდატურა განიხილა. უახლოეს მომავალში, გოჩა დგებუაძე სენაკის ახალი გამგებლის პოსტს დაიკავებს. საოცარია, როგორ უნდა დაიკავოს გამგებლის სავარძელი დგებუაძემ, თუ სენაკს ჰყავს მოქმედი გამგებელი და არც ვაკანტურ ადგილად არის დასახელებული. არ მესმის, რატომ უნდა წყვეტდეს რომელიღაც საბჭო სენაკის ბედს _ სენაკში არსებულ კოალიციას არაფერს ეკითხებიან. მე როგორც მითხრეს, ამ საკითხებს წყვეტს მელაშვილი და მჭედლიშვილი. ჩვენმა არასამთავრობო ორგანიზაციამ გააპროტესტა ეს ფაქტი და ვთხოვთ სხვა არასამთავრობოებსა და საერთაშორისო ორგანიზაციებს, ხმა აღიმაღლონ ამ უკანონობის წინააღმდეგ, თვითმმართველი რგოლების საქმიანობაში არ უნდა ერეოდეს პარტია.

ბრიფინგის შემდეგ ჩვენი ორგანიზაციის სახელით მიმართვას ვუგზავნით პრემიერს, ბიძინა ივანიშვილს, ასევე საერთაშორისო ორგანიზაციებს და საქართველოში აკრედიტებულ ყველა საელჩოს _ ვითხოვთ უკანონობის აღკვეთას და სიმართლის დადგენას. ჩვენ უკვე დავაანონსეთ, რომ ჯიშკარიანის თანამდებობის დატოვების მოთხოვნით ორშაბათს შიმშილობას ვიწყებთ, ახლა ჩვენს მოთხოვნას ახალი შეემატება _ ნუ ერევიან თვითმმართველობის საქმიანობაში და ნუ გვახვევენ თავს ათას სპექტაკლში როლის მქონე “მსახიობებს” _ დიახ, ის, რაც ხდება სენაკში სპექტაკლია, რომელსაც რეჟისორი უცვლელი ჰყავს _ მისაბიშვილი.”