როგორც პაატა მანჯგალაძე “გურია ნიუსთან” აცხადებს, ეს, სავარაუდოდ, გამოწვეულია, ბოლო დროს მის მიერ გაკეთებული განცხადებების გამო. კონკრეტულად კი, მან, როგორც თავად აცხადებს, ოზურგეთის მაჟორიტარის დეპუტატის გულისწყრომა დაიმსახურა, რომელმაც, იუსტიციის მინისტრ წულუკიანს და შსს მინისტრს ღარიბაშვილს მიუთითა ფეისბუკზე, მანჯგალაძე დაკავებას ითხოვს და მიხედეთო. “რის გამოც მოხდა მყისიერი რეაგირება და პროკურატურაში დამიბარეს, სხვა სამსახურში საქმიანობისას არსებულ საკითხზე მოწმედ გამოცხადების საბაბით,” _ აცხადებს მანჯგალაძე.
ოზურგეთის მაჟორიტარ დეპუტატთან ზვიად კვაჭანტირაძეთან დაკავშირება ვერ მოვახერხეთ, მას შეტყობინებაც გავუგზავნეთ, თუმცა, დეპუტატმა ისეც უპასუხოდ დატოვა.
