არის თუ არა ე.წ. “ბიუჯეტის შავი ხვრელი“ სარეზერვო ფონდი და რამდენად კანონიერად იხარჯება ხალხის ჯიბიდან გადახდილი ფული?
ოზურგეთის მუნიციპალიტეტის მიერ 2013 წლის დამტკიცებული სარეზერვო ფონდის ხარჯვის შესახებ 1 მაისის მდგომარეობით ოფიციალური ინფორმაცია ასე გამოიყურება:
კონჭკათის თემის ტერიტორიაზე შუაღელის უბანში დაზიანებული გზის მონაკვეთის შესაკეთებელი სამუშაოების ჩასატარებლად დიზელის საწვავის შეძენა, _84 ლარი, ე.რუსიძის დაკრძალვისათვის სარიტუალო თანხის გამოყოფა, _ 400 ლარი, ზ.კოპლატაძის დაკრძალვისათვის სარიტუალო თანხის გამოყოფა, _ 150 ლარი, ამორტიზირებული წყალმომარაგების მილების შესაკეთებელი თანხის გამოყოფა _ 953 ლარი, ი.პეტრიწის #1 ში მრავალბინიანი სახლის სახურავის დაზიანებული საწვიმარი ღარისა და მილის შეკეთება, _ 400 ლარი, ქ.ოზურგეთის ყოფილი საკრებულოს შენობაში და მუნიციპალიტეტის ადმინისტრაციულ შენობაში სველი წერტილებისა და შესასვლელი კარების სარემონტო სამუშაოებისთვის _ 2, 290 ლარი, ბაილეთის თემში ახალსოფლის უბანში გარე განათების მოწყობის სამუშაოები, _ 1, 520 ლარი, სოფ.ოზურგეთში მცხოვრები კ.ხუჭუას დაკრძალვისათვის თანხის გამოყოფა, _ 200 ლარი, ჯავახიშვილის #9-ში მცხ. თ.ზაქარიაძის დასახმარებლად მედიკამენტების შესაძენად თანხის გამოყოფა_ 100 ლარი, შეჭირვებულ მოქალაქეთა სათბობის (შეშის) შესაძენად თანხის გამოყოფა, _ 200 ლარი, ლიხაურის თემის ადმინისტრაციული შენობის სახურავის შესაკეთებელი თანხის გამოყოფა, _ 1 500 ლარი, უფასო სასადილოში გაწევრიანებული 125 ბენეფიციარისათვის საშობაო ტკბილეულის შესაძენი თანხის გამოყოფა, _ 625 ლარი, ოზურგეთში მცხოვრები ანი დარჩიას დახმარება, _ 300 ლარი, ნანული ზოიძის დაკრძალვის თანხა, _ 150 ლარი, დაბა ლაითურში მცხოვრები გალინა მექაშვილის დაკრძალვის თანხა, _ 100 ლარი, ვენერა სინჯიაშვილის დაკრძალვის თანხა, _ 150 ლარი, შპს “ მედალფას“ სამედიცინო ცენტრში ნ. მშვიდობაძის დახმარება, _ 200 ლარი, პ.ბილიხოძის დასახმარებლად მედიკამენტების შესაძენი თანხის გამოყოფა, _ 100 ლარი, მერიის თემში მცხოვრები ლალი გოთუას დასახმარებლად მედიკამენტების შესაძენი თანხის გამოყოფა, _ 80 ლარი, შემოქმედელის # 8_ში მცხოვრები ო.კალანდაძის დასახმარებლად თანხის გამოყოფა, _ 80 ლარი, ასკანის თემში მცხოვრები მირიან მამალაძის დაკრძალვისათვის თანხის გამოყოფა, _ 100 ლარი, ბოხვაურის თემში მცხოვრები გ.სირაძის დახმარება, _ 200 ლარი, შპს “ოზურგეთის კლინიკურ საავადმყოფოში“ ვლადიმერ ბაჯელიძის დახმარების თანხა, _ 250 ლარი, ბოხვაურში მცხოვრები ბადრი თავდიშვილის დაკრძალვის თანხა, _ 150 ლარი, ისტორიული მუზეუმისთვის მუზეუმის საერთაშორისო დღესთან დაკავშირებით ძველი საწერი მაგიდის შეძენა, _ 500 ლარი, შპს “ოზურგეთის სამედიცინო სასწავლებელი”, “სტადიონი”, ა.(ა)ი.პ სპორტის განვითარების საინფორმაციო _ ანალიტიკური და მეთოდური დახმარების ცენტრი, ა.(ა)ი.პ. “გომისმთა” – ს მიმართ ლიკვიდაციის პროცესის რეგისტრაციისთვის სარეგისტრაციო მოსაკრებელი, _ 400 ლარი, ბახვის თემში მცხოვრები, _ გ.თენიეშვილის დახმარება, _ 150 ლარი, ასკანის თემში მცხოვრები ირაკლი ცქვიტინიძის დასახმარებლად თანხის გამოყოფა, _ 150 ლარი, სოფ.ოზურგეთში მცხოვრები ნ.კახაძის დახმარება, _150 ლარი, ოზურგეთში მცხოვრები რეზო გოგოტიშვილის დაკრძალვის თანხა 150 ლარი, აღმაშენებლის ქუჩაზე მცხოვრები თ.ვასაძის დახმარება, _ 150 ლარი, გურიანთის თემში ინგა ხაჯალიას მკურნალობის თანხა, _ 100 ლარი, სოფ.ოზურგეთში მცხოვრები რევაზ გუდავაძის დახმარება, _ 100 ლარი, ქ.ოზურგეთში მცხოვრები ე. მგალობლიშვილის დახმარება, _ 100 ლარი, მერიის თემში მცხოვრები ხათუნა მუხაშავრიას დახმარება, _200 ლარი, ქ. ოზურგეთში ნ.ნიკოლაძის ქ.#13 _ში მცხოვრები ვერა ვასაძის დახმარება, -200 ლარი, მაკვანეთის მუნიციპალიტეტის გამგეობისა და საკრებულოს თანამშრომელი ქალბატონებისათვის 8 მარტის დღესასწაულის მილოცვისათვის თანხის გამოყოფა, _ 150 ლარი, დაბა ნასაკირალის ადმინისტრაციული შენობისათვის ელექტრო მრიცხველისა და ავტომატური ჩამრთველის შეძენა, _ 80 ლარი, მელექედურის თემში მოსახრეშად 30 ლიტრი დიზელის საწვავის შეძენა_ 60 ლარი, ქ.ქუთაისში ავადმყოფი ბავშვის გადასაყვანად 20 ლიტრი დიზელის საწვავის შეძენა, _ 40 ლარი, თაყაიშვილის ქ. #54-ში მცხოვრები დარეჯან სიხარულიძის დახმარება, -100 ლარი, გურიანთაში მცხოვრები რუსუდან არობელიძის მკურნალობის თანხა 80 ლარი, ქ.ოზურგეთში ლერმონტოვის ქ.#9 ში მცხოვრები დავით ჭანუყვაძის დახმარება, – 200 ლარი, მერიის თემში მცხოვრები გივი ბარამიძის დაკრძალვისათვის სარიტუალო თანხის გამოყოფა, _ 100 ლარი, მერიის თემში მცხოვრები გივი ბარამიძის დაკრძალვისათვის სარიტუალო თანხის გამოყოფა 100 ლარი, მერიის თემში მცხოვრები მერაბ ღლონტის დაკრძალვისათვის სარიტუალო თანხის გამოყოფა, _ 100 ლარი, დაბა ლაითურში მცხოვრები გურამ დუმბაძის დაკრძალვისათვის სარიტუალო თანხის გამოყოფა, 150 ლარი, კონჭკათი_ ხვარბეთის გზის შესაკეთებელი სამუშაოების ჩასატარებლად 100 ლიტრი დიზელის საწვავის შეძენა, _ 200 ლარი, მელექედურის თემში მცხოვრები ტრისტან ცხომელიძის დახმარება, _ 100 ლარი, დვაბზუს თემში მცხოვრები ე/შათირიშვილის მედიკამენტოზური მკურნალობისთვის დახმარება, _ 80 ლარი, დაბა ლაითურში მცხოვრები შუშანა დუმბაძის დახმარება, – 100 ლარი, სოფ. ნატანების მიმდებარე ტერიტორიაზე გზატკეცილის მშენებლობის პერიოდში მოჭრილი სხვადასხვა ხეების ფირნიშით მარკირებისთვის, _ 280 ლარი, ქ.ოზურგეთში მალაზონიას ქ.#6 ში წყლისა და საკანალიზაციო სისტემის შეკეთება, ოზურგეთის დრამატული თეატრისთვის თანამედროვე ტიპის სარეკლამო დაფების, სააფიშიოროების შეძენა, _ 2, 200 ლარი, მშენებლობის პერიოდში მოჭრილი სხვადასხვა ხეების ფირნიშით მარკირებისთვის, _ 40 ლარი, მშენებლობის პერიოდში მოჭრილი სხვადასხვა ხეების ფირნიშით მარკირებისთვის, 20 ლარი, მაკვანეთის, ბოხვაურის, შემოქმედის და დვაბზუს თემის ტერიტორიაზე ქარისა და სტიქიისაგან მოთხრილი და მოქცეული მუნიციპალიტეტის საკუთრებაში არსებული წიწვოვანი ჯიშის ხეების სახერხ საამქროში გადატანა _ 80 ლარი, ძველი ბაზრის ტერიტორიაზე გაწმენდითი სამუშაოების და ღორღის შესაძენი თანხების გამოყოფა, _ 1000 ლარი, დაბა ნასაკირალში დაზიანებული ელექტრო მრიცხველის შეძენა, – 246 ლარი, სიყვარულის დღესთან დაკავშირებით მისალოცი სიტყვის გამოსაქვეყნებლად თანხის გამოყოფა გაზეთში – 80 ლარი, საკრებულოსა და გამგეობაში მისი მომსახურებისთვის დიზელ- გენერატორის გამართული მუშაობისთვის დიზელის შეძენა, _ 80 ლარი, დაბა ნასაკირალში წყალსადენის სათავე _ ნაგებობის დაზიანებული მისასვლელი გზის შესაკეთებლი გზის სამუშაოებისთვის დიზელის საწვავი_ 60 ლარი, დვაბზუს თემში ძლიერი წვიმის გამო დაზიანებული გზის მოხრეშვა, _ 200 ლარი, სტიქიის შედეგების სალიკვიდაციო ღონისძიებებისთვის საამშენებლო მასალების ტრანსპორტირება, _ 850 ლარი, კონჭკათის თემის ტერიტორიაზე ცენტრალური გზის შესაკეთებლად სოფლის ცენტრის ნანგრევებისაგან გადასაწმენდი სამუშაოების დიზელის საწვავის შეძენა, _ 190 ლარი, შსს სამინისტროდან მუნიციპალიტეტის საკუთრებაში გადმოცემული ავტომანქანების ჩამოყვანა, _ 125 ლარი.
ოფიციალური დოკუმენტის საფუძველზე სარეზერვო ფონდიდან გახარჯულია 30 350 ლარი, დარჩენილია 169 350. ეს უკანასკნელი ფაქტი კი ფრიად საინტერესოა, რადგანაც ოზურგეთის ბიუჯეტთან დაკავშირებით საკრებულოს ბოლო გადაწყვეტილებით ამ ფონდიდან თანხა უნდა გაიხარჯოს მხოლოდ 50 000 ლარი და თუ უკვე დახარჯულია 30 350 ლარი, მაშასადამე დარჩენილა მხოლოდ 19 650 ლარი. ასე რომ გამგეობის ეს მონაცემები არ ემთხვევა საკრებულოს ოფიციალურ გადაწყვეტილებებს სარეზერვო ფონდის მოცულობასთან დაკავშირებით.
სარეზერვო ფონდთან დაკავშირებით საქართველოს დემოკრატიული განვითარების კავშირის აღმასრულებელი დირექტორი ლევან ხინთიბიძე საუბრობს:
_ 2013 წლის ოზურგეთის ბიუჯეტისთვის ნიშანდობლივია ის გარემოება რომ წინა წლებთან შედარებით, მნიშვნელოვნად გაიზარდა ოზურგეთის გამგეობის “სარეზერვო ფონდი”.
თუ 2010 წლისთვის მისი ოდენობა 67 000 ლარს შეადგენდა, 2011 წლისთვის მისი მოცულობა 63 100 ლარი იყო, 2012 წლისთვის _ 75 000 ლარი, ხოლო 2013 წელს, თავდაპირველად დაგეგმილი გახლდათ 200 000 ლარის ხარჯი.
საქართველოს კანონის “საქართველოს საბიუჯეტო კოდექსის” 67-ე მუხლი განმარტავს, რომ ადგილობრივი თვითმმართველი ერთეულის ბიუჯეტში გაუთვალისწინებელი გადასახდელების დასაფინანსებლად იქმნება სარეზერვო ფონდი, რომლის მოცულობა არ უნდა აღემატებოდეს წლიური ბიუჯეტით გათვალისწინებული ასიგნებების მთლიანი ოდენობის 2%-ს. ხოლო მისი განკარგვის თვალსაზრისით კი _ სარეზერვო ფონდიდან თანხებს ქალაქის მერის ან გამგებლის გადაწყვეტილების საფუძველზე, რომელიც მოიცავს ინფორმაციას თანხის ოდენობისა და მიზნობრიობის შესახებ, გამოყოფს საფინანსო ორგანო.
ოზურგეთის მუნიციპალიტეტის 2013 წლის ბიუჯეტის მაგალითზე შეგვიძლია ვთქვათ, რომ ამ დოკუმენტში 2013 წლის 28 მარტის ცვლილებების შედეგად, საბოლოოდ ჩამოყალიბდა ამ ბიუჯეტის მე-10 მუხლი, რომლის თანახმადაც შექმნილია მუნიციპალიტეტის სარეზერვო ფონდი 50 000 ლარის ოდენობით. მოცემული თანხის განკარგვას კი ახორციელებს მუნიციპალიტეტის გამგებელი, ხოლო თუ რა საჭიროების მიზნით, ამას საქართველოს კანონმდებლობა, სამწუხაროდ, არ აკონკრეტებს. აქედან გამომდინარე მისი ადმინისტრირება და ხარჯვა მთლიანად გამგებლის კომპეტენციის ფარგლებშია, რასაც ასევე ადასტურებს ოზურგეთის ბიუჯეტის იგივე მე-10 მუხლი, რომელიც განმარტავს, რომ სარეზერვო ფონდის განკარგვა ხორციელდება მუნიციპალიტეტის გამგებლის გადაწყვეტილებების შესაბამისად”. _ განაცხადა ხინთიბიძემ “გურია ნიუსთან”.
სტატია მომზადებულია ფონდის”ღია საზოგადოება _ საქართველოს” მიერ დაფინანსებული პროექტის _ “დათვალე საკუთარი ფული!”, ფარგლებში და მასში გამოთქმული მოსაზრება არ გამოხატავს ფონდის პოზიციას.
