პრემიერის თქმით, წინა ხელისუფლება უხეშად ერეოდა ბიზნესში, რაც არ განმეორდება. მან ასევე ყურადღება გაამახვილა წინა ხელისუფლების პერიოდში ჩატარებულ ტენდერებზე და განაცხადა, რომ ბევრი მათგანი არასწორად იყო ჩატარებული, რაც გადასახედია
პრესკონფერენციაზე წარმოდგენილი ანგარიშის თანახმად, ბიზნესის ხელშეწყობას დიდი ყურადღება ექცევა. დაწყებულია შეჩერებული საინვესტიციო პროგრამები. დღეის მონაცემებით, კომპანიებთან ინდივიდუალური მუშაობის შედეგად 17 ასეთ პროექტთან დაკავშირებით მიღებულია შესაბამისი გადაწყვეტილებები და ყველა პირობაა შექმნილი მუშაობის გასაგრძელებლად.
ფინანსთა სამინისტროს დავების განხილვის საბჭომ 2013 წლის 1 იანვრიდან 2013 წლის მაისის ჩათვლით სრულად/ნაწილობრივად დააკმაყოფილა 2 507 საჩივარი, რაც სადავო საკითხების მახევარზე მეტს შეადგენს. 111 გადამხდელთან გაფორმებულია საგადასახადო შეთანხმების აქტი არსებულ დავალიანებაზე.
გარდა ამისა, განხორციელებული საკანონმდებლო ცვლილებების შედეგად შემსუბუქდა სანქციები მეწარმეებისთვის, საგადასახადო დავალიანების იძულებითი გადახდევინება დაიწყება საგადასახადო დავის დასრულების შემდეგ.
