ზვიად კვაჭანტირაძე: “შესაბამისი რეაგირების გარეშე ეს აქცია ვერ დარჩება”

_ მეგობრებო, როგორც დავთქვით, 5 ივლისის დადგომისთანავე შევაჩერეთ ხმის მიცემა შეკითხვაზე “უნდა შეწყდეს თუ არა ოზურგეთში მიმდინარე საპროტესტო აქცია”. გამოკითხვის მიზანი მხოლოდ ამ შეკითხვაზე პირდაპირი პასუხის მიღება იყო. ჩვენი ჯგუფის (“მარად ოზურგეთი“) 1530 წევრიდან 95 ადამიანი თვლის, რომ აქცია უნდა შეწყდეს. 18 ადამიანი, ვინც , როგორც ჩანს ყველაზე მეტად რადიკალურადაა განწყობილი და არ ერიდება ღიად დააფიქსიროს თავისი პოზიცია თვლის, რომ აქცია არ უნდა შეწყდეს. _ ამბობს ზვიად კვანჭატირაძე.

მისივე განცხადებით, ზოგიერთმა ადამიანმა საერთოდ არ მისცა ხმა არც ერთ პოზიციას და სანაცვლოდ, უხვად დაგვიტოვა დარიგებები და წაგვიკითხა ნოტაციები.

_ ზოგმა კი ხმაც მისცა და კომენტარებსაც არ დაგვზარდა. ზოგიერთს მიაჩნია, რომ აქციის გაგრძელების წინააღგმდეგ ხმის მიცემა ორგანიზებულია და ერთმა უცნობმა მეც კი მომწერა ამის შესახებ პირადში და ფაქტების მოყვანაც სცადა. ზოგიერთი ადამიანი, ვინც აქ ხმა მისცა , მართლაც შეიძლება დაინტერესებულ პირად ჩაითვალოს, თუ მათი ვინაობით დავინტერესდებით. ასეა თუ ისე, 95 ადამიანს 18 ის წინააღგმდეგ, ფაქტიურად მაინც მიაჩნია, რომ აქციის შეწყვეტა სწორი იქნებოდა. ამ ინფორმაციას, სრულყოფილი სახით, განსასჯელად და დასკვნების გამოსატანად თუ ვინმე გააცნობს საპროტესტო აქციის მონაწილეებს კარგი იქნება. პირადად მე, პატივისცემით ვეკიდები ყველა ამ ადამიანის, როგორც აქციის მონაწილეების, ასევე ამ გამოკითხვაში მონაწილე ადამიანების გამოხატვის თავისუფლებას. ჟურნალისტებსაც მშვენიერი მასალა აქვთ ანალიზის ჩასატარებლად. ერთი რამე ვიცი ზუსტად, რომ შესაბამისი რეაგირების გარეშე ეს აქცია ვერ დარჩება. დანარჩენ თემებზე საუბარს კი, არა ფეისბუკით ან პრესის საშუალებით, არამედ ოზურგეთის საზოგადოებასთან დაგეგმილ მორიგი პირდაპირი შეხვედრების დროს ვამჯობინებ! _ განაცხადა ზვიად კვაჭანტირაძემ.