როგორც მინისტრმა აღნიშნა, წლების განმავლობაში სემეკს დამოუკიდებლობა აბსოლუტურად დაკარგული ჰქონდა. კანონში შეტანილი ამ ცვლილებებით, უწყებას ყველანაირი პირობა შეექმნება, რომ რეალური დამოუკიდებლობა მოიპოვოს და საჯარო, გამჭვირვალე სტრუქტურად ჩამოყალიბდეს.
_ “სამწუხაროა, რომ სააკაშვილმა კიდევ ერთხელ დაანახა ჩვენი ქვეყნის მოსახლეობას, რომ არასახელმწიფოებრივად აზროვნებს და პირად ამბიციებს, ძალაუფლებით თამაშს უკვე მერამდენედ გადააყოლა ქვეყნის ინტერესები. ჩვენი ხელისუფლების მიზანია, ენერგეტიკისა და წყალმომარაგების მარეგულირებელი ეროვნული კომისია მუშაობდეს ეფექტურად, ქვეყნის ინტერესებისთვის და შესაბამისად გადაწყვეტილებები, რომელსაც ეს კომისია მიიღებს, არ იყოს ერთი რომლიმე პოლიტიკოსის ან პოლიტიკური ჯგუფის ნება-სურვილზე დამოკიდებული.
მარეგულირებელი კომისია პროფესიონალური კადრებით დაკომპლექტდება, რომლებსაც შესასრულებელი აქვთ ურთულესი სამუშაო – მათ მიერ მიღებული გადაწყვეტილებები აისახება ქვეყნის მოსახლეობის შემოსავლებსა და ქვეყანაში არსებულ სოციალურ ფონზე.
დღეს სემეკი დაკომპლექტებულია არა პროფესიული ნიშნით შერჩეული ადამიანებით, არამედ იმ ხალხით, რომლებსაც რაღაც დამსახურება აქვთ პირადად სააკაშვილის წინაშე.
მარეგულირებელი კომისია – ესაა მაღალპროფესული სტურუქტურა, რომლის საქმიანი წვლილი ქვეყნის ეკონომიკის განვითარებაში უმნიშვნელოვანესია და ჩვენი ხელისუფლება ვერაფრით დაუშვებს ეს უწყება უქმნიდეს სასათბურე პირობებს ნაციონალური მოძრაობის და სააკაშვილის წინაშე დამსახურებების მქონე პირებს“ _ განაცხადა კახა კალაძემ.
