“ეს საქმე რომ გავარკვიოთ, არ შეიძლება? ჩამოვალ, დედა, თბილისში, რაცხა, მიშველეთ, დედა, დამიდექით გვერდში, გამარკვევინეთ სიმართლე! რძლისგან ვიცი, რომ იმ დღეს ნაცემი მოსულა სახლში, სხვა არაფერი ვიცი, შვილო. თბილისში უნდა ჩამევიდე და გავარკვიო, რას ერჩოდნენ ჩემს შვილს, რატო მოაკვლევინეს თავი!” _ ამბობს “გურია ნიუსთან” გუგული უგულავა.
_ თქვენი რძალი ამბობს, რომ ენდობა ექსპერტიზის დასკვნას, რომელიც გუშინ შინაგან საქმეთა სამინისტრომ გამოაქვეყნა.
_ რას ენდობა, შვილო, რომ მამუკა არ უცემიათო? თავს, აბა, რავა მეიკლავდა? რომ მევიდა სახლში, ცოლს უთხრა, ნაცემი ვარო. მე არ მინახავს, შვილო, ჩემი შვილი, რძლისგან ვიცი ყველაფერი. რა მოხდა ამისთანა, ვინ აღმართა ჩემს შვილზე ხელი? მინდა ყველას გთხოვოთ, რომ სწორად გამოიძიოთ ეს საქმე.
_ რას აპირებთ ქალბატონო გუგული? ადვოკატი გყავთ?
_ არ მყავს, შვილო. ჩემმა რძალმა იცის ყველაფერი, ჩამოვალ თბილისში და ერთად გავარკვევთ სიმართლეს.
39 წლის მამუკა მიქაუტაძემ 5 ივლისს სიცოცხლე თვითმკვლელობით დაასრულა. გავრცელებული ინფორმაციით, მას მეგობრის საწინააღმდეგო ჩვენება იძულებით მიაცემინეს. თვითმკვლელობამდე მიქაუტაძემ საკუთარი განზრახვა მეუღლეს და მეგობარს გაანდო.
