ღონისძიება გაეროს ქალთა ორგანიზაციის ინიციატივით, გაეროს ერთობლივი პროგრამის „გენდერული თანასწორობის ხელშეწყობისათვის საქართველოში“ ფარგლებში ტარდება.
მასტერ-კლასების ჩატარებამდე სპორტსმენებმა ახალაგზრდებისთვის ოზურგეთის დემოკრატიული ჩართულობის ცენტრში 2 საათიანი შეხვედრა ჩაატარეს, ისინი მამაკაცური საკითხებზე საუბრობდნენ და მსჯელობდნენ.
_ გაეროს გენერალური მდივნის ბან კი-მუნის გლობალური კამპანიის „გავერთიანდეთ ქალთა მიმართ ძალადობის წინააღმდეგ“ ეგიდით გამართული ეს სპეციალური ინიციატივა ,,სპორტსმენები ერთიანდებიან ქალთა მიმართ ძალადობის წინააღმდეგ“ მიზნად ისახავს ქალთა მიმართ და ოჯახში ძალადობის წინააღმდეგ ახალგაზრდა ვაჟების ცნობიერების ამაღლებასა და მგრძნობელობის გაზრდას.
შედეგი არის ის, რომ ესეთი გრძელვადიანი ღონისძიებები იმედია ხელს შეუწყობენ ნულოვანი ტოლერანტობის დანერგვას საზოგადოებაში. _ განაცხადა ჩვენთან საუბრის გაეროს ქალთა ორგანიზაციის პროგრამის მენეჯერმა, ირინა ჯაფარიძემ.
ოზურგეთელ ახალგაზრდებთან შეხვედრით კმაყოფილია ნოდარ ანდღულაძე. მისივე თქმით, მსგავსი შეხვედრები აუციელებელი და საჭიროა:_ მორაგბეები და გიგა ჭიკაძე ჩავერთვეთ გაეროს ქალთა ორგანიზაციასთან ერთად ამ კამპანიაში. ჩვენ ვებრძვით ოჯახურ ძალადობას და გვინდა, რომ საზოგადოებრივი აზრი შევცვალოთ, სტერეოტიპები დავანგრიოთ, გენდერული თანასწორობა აღვადგინოთ ქართულ ოჯახებში. ვცდილობთ მაქსიმალურად, რომ ბევრ მუნიციპალიტეტში ჩავიდეთ და შევხვდეთ მოზარდებს. მათ ვუყვებით ჩვენ ვინ ვართ და რისი გვჯერავს, რა კოდექსი გვაქვს კაცური, რისი გვწამს და რა განაპირობა ის სიყვარული და პატივისცემა რასაც ვიმსახურებთ ხალხისგან. _ გვითხრა ნოდარ ანდღულაძემ.
ქართველი მორაგბეების შემდეგ ოჯახში ძალადობის წინააღმდეგ კამპანიას ცნობილი მებრძოლი გიგა ჭიკაძე შეურთდა. გიგა ჭიკაძე არის მსოფლიოსა და ევროპის ქამრის მფლობელი კიკბოქსში, მსოფლიო ჩემპიონი კარატეში, ევროპის თასის მფლობელი შიდოკანიში და ერთადერთი ქართველი, რომელსაც კონტაქტურ კარატეში მსოფლიო თასი აქვს მოგებული.
