საკრებულოს თავმჯდომარის მოადგილემ, ავთანდილ მექვაბიშვილმა განაცხადა, რადგან არ არის მიღებული ოზურგეთის გერბი და დროშა, კონკურსი თავიდან უნდა ჩატარდეს.
_ მე ჩემი მოსაზრება მაქვს ბოლო დროს სხვადასხვა მუნიციპალიტეტში მიღებული გერბზე ასახულ სიმბოლოებზე. ვერ ვხვდები, რატომ არის ჩოხატაურის გერბზე მიმინო და რატომ არ შეიძლება იყოს ოზურგეთის გერბზე?! მიმინო ყველგან ხვდება, მაგალითად ბახრეინის მბრძანებელმა ცნობილ მსახიობს, რიჩარდ გირს მიმინო აჩუქა, _ თქვა ავთანდილ მექვაბიშვილმა.
საკრებულოს დეპუტატმა მერაბ მჟავიამ მოსაზრება გამოთქვა, რომ გერბზე გრეიდერი ხომ არ გამოესახათ. რაზეც მისი კოლეგისგან, ლელა ნაცვალაძისგან უმალვე მიიღო პასუხი, გრეიდერი და საკუთარი ჰიმნი შეგიძლია გურიანთაში გამოიყენოო.
