და პარტია “ქართული ოცნების” უკვე ოზურგეთის საარჩევნო შტაბის ხელმძღვანელ დავით დარჩიას შორის ურთიერთშეთანხმებისა, შტაბში შესვლას, ჩვენი ინფორმაციით, მაინც არ აპირებს. ამის მიზეზად იგი გამგებლის მოვალეობის შემსრულებლის კოტე შარაშენიძის მხრიდან ცუდ ურთიერთობებს და ასევე პარტიის მხრიდან დანაშაულობებზე საუბრობს. თუმცა, აღნიშნავს, რომ ის „ქართული ოცნების” მხარდამჭერია და არჩევნებზე გიორგი მარგველაშვილის გამარჯვებისთვის მაინც იბრძოლებს.
თუ რა არის ” ოცნების” შტაბში არშესვლის მიზეზი, ამის შესახებ მარინე სუნგულია “გურია ნიუსს” ესაუბრა.
_ ქალბატონო მარინა, კოალიციაში შემავალი პარტიების ლიდერები ამ ეტაპზე დავით დარჩიას კანდიდატურას მხარს უჭერენ. რას აპირებთ თქვენ, როგორც რესპუბლიკური პარტიის ერთ-ერთი ლიდერი, რომელიც აცხადებდით, რომ „ქართული ოცნების” შტაბში არ შეხვიდოდით. გადაიფიქრეთ თუ თქვენი სიტყვები ძალაშია?
_ წინაპირობა კოალიციის შტაბში არშესვლისა არის ადგილობრივი კოალიციის რღვევა, რომელიც ბატონ კოტე შარაშენიძის გამგებლის მოვალეობის შემსრულებლად არჩევამ გამოიწვია.
გამგებლად ” შექმნილმა” შარაშენიძემ ბულგაკოვის ცნობილი რომანი გმირის _ შარიკოვის სინდრომი გამოავლინა და იმ ხალხის დევნა დაიწყო, ვინც “ქართული ოცნების” ერთგული თანამებრძოლი იყო. შარაშენიძემ კარგად იცოდა, ვინ შეძლებდა წინა აღდგომოდა მის ერთპიროვნულ, უსამართლო გადაწყვეტილებებს. სამაგიეროდ, შექმნა და აღიარა ისინი, ვინც დასმენის ხელოვნებაში გამოაწრთო. დააჯგუფა ოდითგანვე ცნობილ „ნაციონალებად” და ” პოლიხრონიონის” შეძახილის ფონზე დაუნიშნა მათ ხელფასები და მიანიჭა რბილი სავარძლები.
ყოველივე ამან ოზურგეთში გამოიწვია ნიჰილიზმი და უსამართლობის განცდა, რომ ” ხსნა არსიდანაა”. პარტია ” ქართული ოცნების” ოზურგეთელი ლიდერები, არ ვიცი, გულგრილი იყვნენ თუ თანაუგრძნობენ შარაშენიძეს და ვიდრე ჩემი ხმა რჩებოდა “ხმად მღაღადებლისა უდაბნოსა შინა”, “შარიკოვმა” მიაღწია განვითარების იმ ეტაპს, როდესაც პარტნიორების დაკბენის დრო დგება. ამ შემთხვევაში კი ერთადერთი გამოსავალი მის საწყის მდგომარეობაში დაბრუნებაა, რაც მიმინდვია მათთვის, ვინც უსამართლობის წინააღმდეგ ბრძოლაში შემომეფანტნენ. სამწუხაროდ, მე ვერ ავიღებ პასუხისმგებლობას, გავაგრძელო ბრძოლა მათთან ერთად, ვინც კოტეს “ფენომენი” შექმნა. თუმცა, ვრჩები კოალიციის ერთგული, რომ ერთობლივმა საპრეზიდენტო კანდიდატმა გამარჯვებას მიაღწიოს.
_ ქალბატონო მარინა, თქვენ იყავით პირველი, ვინც შარაშენიძეს მხარი დაუჭირა ” ქართული ოცნების” შტაბის ხელმძღვანელის პოსტზე და ძალიან კარგად გვახსოვს, როგორ იცავდით მას სხვების კრიტიკისგან.
_ დიახ, მე მხარს ვუჭერდი შარაშენიძის შტაბის ხელმძღვანელის თანამდებობაზე დანიშვნას. ხაზი უნდა გავუსვა, რომ ჩემთვის არავის უკითხავს სავარაუდო კანდიდატის დასახელება, მე მქონდა არჩევანი უკვე შემოთავაზებულთა შორის. მხარი არ დავუჭირე იმ ადამიანებს, რომლებიც უკვე პოლიტიკურ ბრძოლაში გამოცდილი მყავდა და გამოხშირვის მეთოდმა კოტე “გამორიყა”. მე, როგორც ვფიქრობდი, შარაშენიძეს აქვს გარკვეული უნარები, რომელიც შეიძლებოდა სიკეთის მომტანი ყოფილიყო რაიონისთვის, თუ კოალიციური რეჟიმში იქნებოდა გადაწყვეტილებები მიღებული, მაგრამ არჩევნების დამთავრებისთანავე კოალიციური ურთიერთობების უგულებელყოფამ პარტია „ქართული ოცნება _ დემოკრატიული საქართველოს” მხრიდან გამოიწვია კოტეს ჩამოყალიბება იმად, რაც დღეს არის _ უკონტროლო, უმადური, ერთპიროვნული ლიდერი. ოზურგეთის მოსახლეობას ბოდიშს ვუხდი კოტეს მხარდაჭერისთვის, _ განაცხადა სუნგულიამ.
ჩვენ დავუკავშირდით ოზურგეთის მუნიციპალიტეტის გამგებლის მოვალეობის შემსრულებელს კონსტანტინე შარაშენიძეს, რომელმაც ჩვენს სატელეფონო ზარებს არ უპასუხა. ამის შემდეგ ვესაუბრეთ მის მდივანს, რომელმაც გამგებლის ოთახის შიდა ტელეფონის ნომერი მოგვცა. აღნიშნულ ნომერზე თავდაპირველად გვიპასუხეს, თუმცა, გვითხრეს, რომ ” სხვაგან მოვხვდით”.
თუ ბატონ კონსტანტინეს ამ თემასთან დაკავშირებით სურვილი ექნება, თავისი პოზიცია დააფიქსიროს, ჩვენ მის მოსაზრებას უცვლელად შევთავაზებთ მკითხველს.
