რომლითაც “საქართველოს ფოსტა” უპირატეს მდგომარეობაში აღმოჩნდა და მცირე გადამზიდავების სამეწარმეო საქმიანობა პრაქტიკულად შეუძლებელი გახდა,” _ ამის შესახებ ინფორმაციას “საერთაშორისო გამჭვირვალობა _ საქართველო” ავრცელებს.
ორგანიზაციის განცხადებით, იმის გამო, რომ ფინანსთა მინისტრის აღნიშნულმა ბრძანებამ რამდენიმე თვის განმავლობაში შეაჩერა კონკრეტული გადამზიდავების სამეწარმეო საქმიანობა და, შედეგად, მათ ფინანსური ზარალი მიადგათ, სამომავლოდ სარჩელით მიმართავენ სასამართლოს და ფინანსთა სამინისტროს დაზარებული მეწარმეებისათვის მიყენებული ფინანსური ზიანის ანაზღაურებას მოსთხოვენ.
“იმ შემთხვევაში, თუ ფინანსთა სამინისტრო გააგრძელებს დავას უზენაეს სასამართლოში, პროცესი დროში კვლავ გაიწელება და კიდევ გაიზრდება მეწარმეთათვის მიყენებული მატერიალური ზიანის ოდენობა. აღნიშნული თანხის ანაზღაურება კი სახელმწიფო ბიუჯეტიდან ანუ გადასახადის გადამხდელთა მიერ უნდა მოხდეს.
მივმართავთ ფინანსთა სამინისტროს, გაითვალისწინოს ბიუჯეტისთვის სამომავლოდ მიყენებული ზარალის ოდენობა და შეწყვიტოს სამართლებრივი დავა ამ საკითხთან დაკავშირებით. მითუმეტეს, რომ საქართველოს ფინანსთა მინისტრის 2013 წლის 8 მაისის #133 ბრძანებით, 2014 წლის 1 იანვრიდან ისედაც უქმდება ის რეგულაციები, რომლებიც ორი ინსტანციის სასამართლომ უკვე ბათილად გამოაცხადა.
მოვუწოდებთ გადამზიდავ კომპანიებს მოგვმართონ იმ შემთხვევაში, თუკი მათ განიცადეს ფინანსური ზარალი ფინანსთა სამინისტროს #30 ბრძანების ამოქმედების შედეგად. “საერთაშორისო გამჭვირვალობა – საქართველო” მზად არის დაიცვას მათი ინტერესების სასამართლოში ზარალის ანაზღაურების მოთხოვნით,” _ ნათქვამია ორგანიზაციის განცხადებაში.
შეგახსენებთ რომ “საერთაშორისო გამჭვირვალობა – საქართველომ” მიმდინარე წლის 5 აპრილს პირველად მიმართა სასამართლოს აღნიშნული ბრძანების გაუქმების მოთხოვნით. საქალაქო სასამართლომ გადაწყვეტილება 2013 წლის 27 მაისს გამოიტანა. “საერთაშორისო გამჭვირვალობა – საქართველოს” იურისტები სასამართლოში შ.პ.ს. “Stargroup”-ის ინტერესებს იცავდნენ, რომელსაც პირდაპირ შეეხო აღნიშნული ბრძანება.
