ჩვენთვის უცნობი შინაარსის ფურცლებით ხელში სახელმწიფო უსაფრთხოების სააგენტოს გურიის სამსახურის ახლადდანიშნულ უფროსს ელგუჯა ჩავლეშვილს სამსახურის შესასვლელთან შეხვდა და სამუშაო კაბინეტში შეჰყვა. ლომჯარია ჩავლეიშვილს აღნიშნული სამსახურის წინ რამდენიმე წუთი ელოდებოდა.
ამასთან დაკავშირებით კომენტარი ვთხოვეთ ნინო ლომჯარიას, რომელიც ძალიან შეწუხდა, ჯერ დაგვპირდა, რომ ყველაფერს გვეტყოდა, თუმცა, რამდენიმე წუთის შემდეგ გვითხრა, რომ კომენტარს ვერ გააკეთებდა.
_ კარგით, რა გეხვეწებით…
_რას გვეხვეწებით, ნინო? დაგინახეთ, როგორ შეიტანეთ საბუთები თუ სიები სუს-ის გურიის სამსახურის უფროსთან ერთად შენობაში… რა ფურცლები გეჭირა ხელში?
_ ჰო, მაგრამ, მე ამაზე პასუხს ვერ გაგცემთ..
_ ვინ გაგვცემს პასუხს?
_ კარგით, რა…
_ მაშინ ის გვითხარით, რა საქმე გქონდა “ქართული ოცნების” ოზურგეთის შტაბის პრესსამსახურს სუს-ის ახლადდანიშნულ უფროსთან? ეს მოხდა დღისით, სადაც ძალიან ბევრმა ადამიანმა დაგინახათ და მეც, მათ შორის..
_ ერთი წამით გამორთეთ და გეტყვით.
_ მე მასალას ვაკეთებ და თქვენი კომენტარი მჭირდება, რადგან სწორედ თქვენ შეხვდით ბატონ ელგუჯა ჩავლეიშვილს ფურცლებით ხელში.
_ ერთი წუთით და მოვალ… ერთი წუთით და ყველაფერს გეტყვით, დედას ვფიცავარ, _ გვითხრა ლომჯარიამ და ჩვენთვის უცნობ პირს ტელეფონზე ჩვენგან მოშორებით დაურეკა, სატელეფონო საუბრის შემდეგ მოვიდა და გვითხრა, რომ ამ საკითხთან დაკავშირებით კომენტარს ვერ გააკეთებდა: _ მე კომენტარს ვერ გავაკეთებ..
_ რატომ?
_ არ ვიცი, რა, კომენტარს ვერ გავაკეთებ ან რა იცი, რომ სიები იყო? საიდან იცი? მაშინ ვიღაცამ გითხრა რაღაცა.
_ მე თუ ვინმემ რაღაცა მითხრა, ამას ხომ არ გეტყვით?
_ მაშინ ასე ვილაპარაკოთ. მესმის, გასაგებია, მაგრამ იქნებ სიები არ იყო?
_ შეიძლება აგიტატორების სიები ჰქონდა. რა მოხდა მერე? _ საუბარში ჩაერთო ” ქართული ოცნების” მხარდამჭერი ნატანებელი ტიტე ბაქანიძე.
_ არ ვყოფილვარ მე იქ. მე თუ ვიყავი… მე კომენტარს ამაზე არ ვაკეთებ. მოდით, ასე შევთანხმდეთ, _ გვითხრა ნინო ლომჯარიამ.
სახელმწიფო უსაფრთხოების სააგენტოს გურიის სამსახურის ახლადდანიშნულმა უფროსმა ელგუჯა ჩავლეიშვილმა დაგვიდასტურა, რომ ის ნამდვილად შეხვდა ” ქართული ოცნების” ოზურგეთის საარჩევნო შტაბის პრესსამსახურის ხელმძღვანელს ნინო ლომჯარიას, თუმცა, აღნიშნა, რომ ის პირად საქმეზე იყო მისული და ხელში ცარიელი ფურცლები ეჭირა.
_ ბატონო ელგუჯა თქვენ გელოდებოდათ ნინო ლომჯარია, რომელიც ჩვენთვის უცნობი შინაარსის ფურცლებით ხელში, შეიყვანეთ თქვენს სამუშაო ოთახში. ხომ ვერ გვეტყვით, რა საქმე გქონდათ მასთან?
_ მას ჩემთვის არანაირი სიები არ გადმოუცია, უბრალოდ პირადული შეხვედრა მქონდა, ჩემი ნათესავია, უბრალოდ, თაბახის ფურცლები ეჭირა და წაიღებდა უკან ისევ…
