დღეს, ახლა უკვე მთავრობაში მყოფი “ოცნება” ამბობს, რომ სიებს მიუხედავად იმისა, არსებობს თუ არა მასში უზუსტობები, გასაყალბებლად არავინ გამოიყენებს, რადგან მთავრობაში ამის პოლიტიკური ნება არ არსებობს. მაშინდელი სიების დაზუსტების სახელმწიფო კომისიის თავმჯდომარე კი მიიჩნევს, რომ საპარლამენტო არჩევნების წინ “ოცნების” პროტესტი მხოლოდ პოლიტიკური პიარი იყო.
ქრონოლოგიურად, რომ მოვყვეთ, 2012 წლის საპარლამენტო არჩევნებამდე მოვლენები შემდეგნაირად ვითარდებოდა: შეიქმნა სიების დაზუსტების სახელმწიფო კომისია, რომელსაც მამუკა კაციტაძე ხელმძღვანელობდა.
აღნიშნულმა კომისიამ, თავის დროზე, კარდაკარის პრინციპით, ამომრჩეველთა ძირითად სიაში 3 385 844 პირი გააერთიანა. გარდა ამისა, ამომრჩეველთა ერთიან სიაში მისამართის არმქონე 52 648 188 995, ხოლო გაურკვეველი მისამართის მქონე 42 390 ამომრჩეველი იყო.
ამავე დროს, კარდაკარის პრინციპით ამომრჩეველთა აღწერას ატარებდა “ამომრჩეველთა ლიგა” კოკა გუნცაძის ხელმძღვანელობით, რომელიც შემდგომ, “ქართული ონცების” მთავრობაში ყოფნის პერიოდში “საქართველოს რკინიგზის” სამეთვალყურეო საბჭოს თავმჯდომარედ დაინიშნა. მისი შეფასებით ალტერნატიული კარდაკარის მაჩვენებლები მიანიშნებდა, რომ კაციტაძე ხელისუფლების სასარგებლოდ მუშობდა. განაგრძობდა საარჩევნო სიების ფალსიფიკაციას და კეთილსინდისიერი არჩევნების ჩატარებას არ აპირებდა.
ამ ორი კარდაკარის ჩამტარებელ ორგანიზაციას შორის დაპირისპირებებიც არსებობდა. ამომრჩეველთა სიების დაზუსტების სახელმწიფო კომისიის თავმჯდომარე მამუკა კაციტაძე აცხადებდა, რომ “ამომრჩეველთა ლიგა” ძველი სიებით სარგებლობდა და ის საზოგადოებას ცრუ ინფორმაციას აწვდიდა.
გარდა ამისა, ალტერნატიულ კარდაკარს ატარებდა მაშინ ჯერ კიდევ ოპოზიციაში მყოფი “ქართული ონცება”, რომელსაც ახლა უკვე პარლამენტარი ზაქარია ქუცნაშვილი ხელმძღვანელობდა. ამ უკანასკნელსა და სიების დაზუსტების სახელმწიფო კომისიის ხელმძღვნელ მამუკა კაციტაძეს შორის, მაშინ, არაერთი დაპირისპირებაც მოხდა.
“ქართული ოცნება” სიების დაზუსტების კომისიისგან მათ მიერ აღმოჩენილი უზუსტობების ერთიან სიაში აღმოფხვრას და შემდეგ ამ სიის კოალიციისთვის გადაცემას ითხოვდა.
მაშინ ქუცნაშვილი ამბობდა, რომ სიების კომისიის თავმჯდომარე მიკერძოებული იყო და მას არ სურდა სამართლიანი არჩევნების ჩატარება.
თუმცა, დღეს უკვე, როცა “ქართული ოცნება” ხელისუფლებაშია და 27 ოქტომბრის საპრეზიდენტო არჩვენებზე თავისი კანდიდატურა სწორედ იმ საარჩევნო სიებით გაჰყავს, რომელსაც 1წლის წინ აპროტესტებდა და ამბობდა, რომ მას “ნაციონალური მოძრაობა” არჩევნების გასაყალბებლად იყენებდა, ზაქარია ქუცნაშვილი ამბობს, რომ სიები არ შეცვლილა, მაგრამ მას არჩევნების გასაყალბებლად არავინ გამოიყენებს, რადგან ამის პოლიტიკური ნება არ არსბეობს.
“არის რამდენიმე მიზეზი, რის გამოც კარდაკარის ჩატარება არ გახდა საჭირო. პირველი მდგომარეობს იმაში, რომ პოლიტიკური ხელისუფლების ნება მკაცრად გამოხატული და დაცულია თავისუფალი და სამართლიანი არჩევნების სასარგებლოდ. ამიტომაც, არავინ არ აპირებს არჩევნების შედეგების ფალსიფიცირებას, ხმების არასწორად დათვლასა და ოქმების გადაკეთებას. პოლიტიკური ნება არჩვენების გაყალბების არ არსებობს. ეს არის მთავარი მიზეზი, რის გამოც ამომრჩეველთა სიის უსწორობას აღარ ენიჭება განმსაზღვრელი მნიშნელობა. მეორე მიზეზი მდგომარეობს იმაში, რომ ამომრჩეველთა ერთიანი სიის ფორმირება დღეს მოქმედი კანონმდებლობით მოქალაქის ქაღალდის პირადობის მოწმობას ეფუძნება, რომლის მიხედვითაც ის ეწერება ამა თუ იმ საცხოვრებელ მისამართზე. აქედან გამომდინარე, ჩვენ მივიღეთ კანონი, რომლის მიხედვითაც ამომრჩეველთა სიაში შეყვანა აღარ იქნება ქაღალდის მოწმობაზე დამოკიდებული. შემოდის ბიომეტრული პარამეტრი, როგორც ამომრჩეველთა ერთიან სიაში მოხვედრის საშუალება. ამას სჭირდება დრო და ამოქმედდება ადგილობრივი არჩვენებისთვის. მესამე, ჩვენ ყველა დამკვირვებელი მოწვეული და ჩართული გვყავს ამ პროცესში და ე.წ. მკვდარი სულები ვინც კი არსებობდა ამომრჩეველთა სიაში, იდენტიფიცირებულია და მათ გამოყენებას თავის სასარგებლოდ არავინ არ აპირებს“, _ ამბობს “გურია ნიუსთან” საუბრისას ქუცნაშვილი.
კარდაკარის ჩატარებიდან 1 წლის შემდეგ, სიების დაზუსტების სახელმწიფო კომისიის თავმჯდომარე მამუკა კაციტაძე მიიჩნევს, რომ “ქართული ოცნების” მაშინდელი კრიტიკა პოლიტიზებული იყო და მხოლოდ პოლიტიკური პიარისთვის სჭირდებოდათ.
“საერთოდ ამომრჩეველთა სია ცოცხალი ორგანიზმივითაა. ვიღაც გარდაიცვლება, ვიღაც 18 წლის ხდება, ნაწილი მიდის, მოდის… ამიტომ, გარვეული განახლებები მას სჭირდება. რასაც ჰქვია საფუძვლიანი გადამოწმება, ამ ეტაპზე ნამდვილად არ მიმაჩნია სჭიროდ. საპრეზიდენტო არჩევნებზე ამომრჩეველთა სია თითქმის ზუსტად ისეთივე იქნება, როგორც საპარლამენტო არჩევნებზე. ანუ, იმ კომისიის მიერ დადგენილი, რომელსაც მე ვხელმძღვანელობდი. ერთმნიშვნელოვნად მინდ გითხრათ, რომ თავის დროზე ამომრჩეველთა სიების დაზუსტების კომისიის მიმართ კრიტიკა, მათ შორის “ქართული ოცნების” და ცალკეული პოლიტიზებული არასამთავრობო ორგანიზაციების მხრიდან, წმინდა პოლიტიკური პიარი იყო და მას არანაირი კავშირი სიების ვარგისიანობასთან არ ჰქონდა. მე მათ ყოველთვის ვეუბნებოდი, რომ თუ ისინი არჩევნების შემდეგ მასშტაბური პროტესტისთვის ემზადებოდნენ, ამომრჩეველთა სია ნამდვილად არ გამოადგებოდათ, ისე როგორც 2003 წელს ეს მიხეილ სააკაშვილს ვარდების რევოლუციისთვის გამოადგა. ეს არჩევნების დღემ დაადასტურა, რადგან ამომრჩეველთა სიებთან დაკავშირებით საქართველოს მასშტაბით სულ 5 საჩივარი დაიწერა.
“შემიძლია გითხრათ, რომ ამომრჩეველთა სია დღეს კარგია. თუ ჩვენი საბოლოო შედეგებით იხელმძღვანელებენ და საბოლოო განახლებებს გააკეთებენ”, _ უთხრა “გურია ნიუსს” კაციტაძემ.
თუმცა, განსხვავებული მოსაზრება აქვს არასაპარლამენტო ოპოზციის “ქრისტიან-დემოკრატიული მოძრაობის” ერთ-ერთ ლიდერს ლევან ვეფხვაძეს. იგი მიიჩნევს, რომ არსებობს საშიშროებ არჩევნები გაყალბდეს და “ქართული ოცნებისა” და “ნაციონალური მოძრაობის” შეთანხმების საფუძველზე, მათმა საპრეზიდენტო კანდიდატებმა პირველი-მეორე ადგილები გადაინაწილონ.
“გაყალბების საშიშროება არსებობს იმ კუთხით, რომ საარჩევნო კომისიებში “ოცნებისა” და ნაცმოძრაობის მეტი არავინაა. ისინი შეთანხმდებიან და თავიანთ საპრეზიდენტო კანდიდატებს პირველ-მეორე ადგილებზე გაიყვანენ. ეს მათ სჭირდებათ, რათა პარლამენტს არ შეექმნას ლეგიტიმაციის პრობლემები. თუ პირველი მეორე ადგილები მათ ვერ გაიყვეს, ვადამდელი არჩვენები გარდაუვალი იქნება, ბიძინა ივანიშვილმა კი თქვა, რომ ეს პარლამენტი 4 წლითაა არჩეული”, _ უთხრა “გურია ნიუსს” ვეფხვაძემ.
საპრეზიდენტო არჩევნების შესაძლო გაყალბებაზე საუბრობს პოლიტოლოგი სოსო ცინცაძეც, რომელიც “გურია ნიუსთან” ამბობს, რომ “ცდუნება დიდია, მით უმეტეს როცა გამარჯვებააში დამრწმუნებული არ ხარ.”
“ჩვენში უკვე მყარად მოიკიდა ფეხი პრაქტიკამ, რომ ყოველი პოლიტიkური ძალა ოპოზიციაში ყოფნის დროს კეთილშობილი აღშფოთებით ივსება-ხოლმე არსებული უსამართლობის მიმართ, მაგრამ შემდეგ, როცა ხელისუფლებაში მოდის, დიდი სიამოვნებით იყენებს ამ ბერკეტებს. ცდუნებაა დიდი, მით უმეტეს როცა შენ არ ხარ დამრწმუნებული გამარჯვებაში. რაც არ უნდა იძახოს “ოცნებამ” და მისმა აქტივისტებმა, რომ მარგველაშვილს გამარჯვება გარანტირებული აქვს, ყველამ იცის, რომ გარანტირებული არაფერია. მოსალოდნელია მეორე ტური ბურჯანაძე-მარგველაშვილს შორის. ასეთ ვითარებაში ძალიან ძნელია გაუძლო ცდუნებას და ის, რასაც შენ აკრიტიკებდი, ხელი აიღო და უარი თქვა. ამიტომაც იყო რომ საარჩევნო კანონში არ შესულა ის მოთხოვნები, რასაც მაშინდელი ოპიზიცია წლების მანძილზე ითხოვდა. იგივე სიები, რომელზეც კაციტაძე ცოცხლად გაატყავეს არაფერი შეგიცვლიაო, ქუცნაშვილი ამბობდა ამას, მაგრამ დღეს ის მორცხვდ სდუმს. ამ ბერკეტებს გამოიყენებენ, რადგან დარწმუნებულნი არ არინ თავიანთ გამარჯვებაში”, _ ამბობს ცინცაძე.
ცნობისთის, ამომრჩეველთა სიების მინიმალურ დონეზე მაინც განახლებაზე, რომელზეც ზემოთ მამუკა კაციტაძე საუბრობდა, უკვე იზრუნა ცენტრალურმა საარჩევნო კომისიამ. მათ კარდაკარი და ამომრჩეველთა ზუსტი აღრიცხვა ერთი წლის თავზე განმეორებით არ ჩაუტარებიათ, თუმცა, როგორც ცეკოს პრეს-სპიკერმა ეკა აზარაშვილმა განაცხადა, სახელმწიფო სერვისების განვითარების სააგენტომ მათ განახლებული სია უკვე მიაწოდა.
